Ózgeniń quqyq buzý sátin kameraǵa túsirýge zań tyıym salmaıdy - ІІM
2022 jylǵy 27 maýsym 11:30

Ózgeniń quqyq buzý sátin kameraǵa túsirýge zań tyıym salmaıdy - ІІM

NUR-SULTAN. QazAqparat – QR Іshki ister mınıstrligi QazAqparattyń redaktsııalyq saýalyna joldaǵan jaýabynda ózge azamattardyń quqyq buzǵan sátin vıdeoǵa túsirý qanshalyqty zańdy ekenin túsindirdi.

«Qoldanystaǵy zańnama azamattarǵa quqyq buzǵan adamnyń bet álpetin, áreketin foto men vıdeoǵa túsirip alýǵa tyıym salmaıdy», - dep jazady Іshki ister mınıstrliginiń baspasóz qyzmeti.

Sondaı-aq, Azamattyq kodekstiń 145-babynyń 2 bóligi boıynsha, ózge tulǵa túsirilgen sýret, foto, kınofılm men ózge de materıaldardy óziniń ruqsatymen ǵana jarııalaýǵa bolatyny aıtylǵan.

«Ákimshilik quqyq buzý týraly kodekstiń 802-baby boıynsha beınesi ruqsatsyz jarııalanǵan zańdy nemese jeke tulǵadan shaǵym tússe, qylmystyq is qozǵalady. Atalǵan kodekstiń 768-baby boıynsha bireýdiń syrtynan túsirilgen foto, vıdeoderekter sot isinde aıǵaq retinde qoldanyla alady», - dep jazylǵan vdeomstvonyń jaýabynda.

Eske salsaq, áleýmettik jelide osy aıdyń basynda ótken referendým kezinde referendým komıssııasynyń músheleri bıýlletenderdi ózderi toltyryp, jáshikke salyp jatqany jaıly vıdeo taraǵan bolatyn. Osy jaǵdaıǵa baılanysty sol ýchaskeniń komıssııa músheleri ýaqytsha qyzmetinen shettetilgen edi.


Uqsas jańalyqtar

Jańalyqtar

Úrdis

MURAǴAT