+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Ózbekstannyń parlamenttik saılaýynda lıberaldy-demokratııalyq partııa jeńiske jetti

2020 jylǵy 7 qańtar 17:15
Bólisińiz:
Ózbekstannyń parlamenttik saılaýynda lıberaldy-demokratııalyq partııa jeńiske jetti

TAShKENT. ÝzA-QazAqparat – Ózbekstanda Ólıı Májilisiniń Zańnamalyq palatasynyń jáne oblystyq, aýdandyq jáne qalalyq Kengashı halyq depýtattaryn saılaý qorytyndysy jarııalandy, dep habarlaıdy QazAqparat tilshisi ÝzA-ǵa silteme jasap.

Ólıı Májilisiniń Zańnamalyq palatasyndaǵy 150 depýtattyń ornyna bes saıası partııadan 744 adam talasqan bolatyn.

2019 jyldyń 22 jeltoqsanynda bastalǵan bul jolǵy saılaýda shetelde júrgen ózbekstandyqtardy qosqanda 13 mıllıon 963 myń 627 saılaýshy, ıaǵnı jalpy saılaýshylardyń 67,8 paıyzy daýys berdi. 150 myńǵa tarta saılaýshy merziminen buryn daýys berý múmkindigin paıdalandy. Saılaýda birinshi ret shetelde júrgen Ózbekstan azamattaryna daýys berý múmkindigi berildi.

25 saılaý okrýginde úmitkerlerdiń biri de jalpy daýystyń 50 paıyzyn ala almaǵandyqtan, 2020 jyldyń 5 qańtarynda qaıtadan daýys berý uıymdastyryldy.

Saılaý nátıjelerine sáıkes, Ózbekstan Respýblıkasynyń Ólıı Májilisiniń Zańnamalyq palatasynda kásipkerler men isker adamdardyń qozǵalysy – Ózbekstannyń lıberaldy-demokratııalyq partııasy - 53, Ózbekstannyń «Mıllıı tıklanısh» demokratııalyq partııasy - 36, Ózbekstannyń «Adolat» sotsıal-demokratııalyq partııasy - 24, Ózbekstannyń halyqtyq-demokratııalyq partııasy 22 jáne Ózbekstannyń ekologııalyq partııasy 15 depýtattyq orynǵa ıe boldy.

150 depýtattyń 48-i (32 paıyzy) áıelder. 39-y – parlamenttiń tómengi palatasynyń burynǵy depýtattary. Tańdap alynǵan depýtattardyń 9-nyń jasy otyzǵa deıingi jastar. 97-niń jasy 30 ben 50 aralyǵynda. 44-niń jasy 50-den joǵary. 130 depýtat nemese 87 paıyzy ózbek ultynan.

Qalǵan 20 depýtattyń ishinde bes-besten qaraqalpaq jáne orys ultynan halyq qalaýlysy bolsa, úsh-úshten depýtat qazaq jáne tájikten, ekeýi káristen, bir-bir depýtat qyrǵyz jáne túrikmen ultynan bolyp otyr.


Bizdiń kanalymyzǵa jazylyńyz:

Basty sózder: Álem, Saılaý,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT