+7 (701) 759 90 19
USD 431.03 EUR 471.76
RUB 5.85 CNY 61.32
Jańalyqtar

Ózbekstannyń Bas prokýratýrasy Gúlnar Karımovaǵa qarsy jańa is qozǵady

2019 jylǵy 7 jeltoqsan 11:40
Bólisińiz:
Ózbekstannyń Bas prokýratýrasy Gúlnar Karımovaǵa qarsy jańa is qozǵady

TAShKENT. QazAqparat – Gúlnar Karımovaǵa qatysty jańa is qozǵaldy, dep habarlaıdy «QazAqparat» HAA menshikti tilshisi Ozbekstan Respýblıkasynyń Bas prokýratýrasynyń baspasóz qyzmetine silteme jasap.

Uqsas jańalyqtar
Shymkentte medıtsınalyq taýarlardy zańsyz satý faktisi anyqtaldy ShQO polıtseıleri iri kólemde esirtki tárkiledi Shymkentte janar-jaǵarmaı beketteriniń birine qaraqshylyq shabýyl jasaldy

Qadaǵalaý organynyń baspasóz qyzmetindegiler atap ótkendeı, Ózbekstannyń Bas prokýratýrasy men Ádilet mınıstrligi AQSh, Shveıtsarııa, Frantsııa, Reseı Federatsııasy jáne Latvııa sııaqty shet memlekettermen G.Karımovanyń qylmystyq jolmen alynǵan 1,3 mlrd. AQSh dollary tabysyn qaıtarý máselesi boıynsha birlesip jumys júrgizip jatyr, sonymen qatar jekelegen elderde de qylmystyq isteri tergelýde.

«Osy jumys aıasynda halyqaralyq qurylymdar men azamattardan G.Karımovanyń burynǵy tergeýlerde qamtylmaǵan jańa qylmystary týraly derekter kelip tústi. Bul jańadan ashylǵan mán-jaılar jańa qylmystyq is qozǵaýǵa negiz boldy. Tergeý barysynda G.Karımova birneshe adamnan turatyn kóptegen uıymdasqan qylmystyq top quryp, qylmystyq qaýymdastyqty basqarǵan. G.Karımova jáne onyń sybaılastary uıymdasqan toptardyń quramynda jasaǵan qylmystary úshin sot taǵaıyndaǵan jazany ótep jatyr», - delingen habarlamada.

«Qazirgi ýaqytta tergeý G.Karımovanyń respýblıkanyń ónerkásip kásiporyndarynda jumys isteıtin taǵy bir uıymdasqan qylmystyq tobynyń bar ekenin anyqtady, bul top oǵan qylmystyq jolmen alynǵan kiristerdiń bir bóligin berip otyrǵan. Sonymen qatar, G.Karımova qysym kórsetý jáne qorqytý arqyly azamattar men túrli kompanııalardyń ıelerin ózderi basqaratyn kompanııalarǵa múlikterin qaıta tirkeýge májbúrlegen. Tergeýdegi qylmystyq is aıasynda keltirilgen zalaldyń mólsheri 165 mln. AQSh dollarynan astam jáne 85 mlrd-ty quraǵan. Osyǵan baılanysty, bopsalaý, ıemdený jolymen tonaý nemese urlaý, Ózbekstannyń múddelerine qaıshy mámile jasasý jáne eldiń qylmystyq kodeksiniń tıisti baptarynda qarastyrylǵan qylmystyq qoǵamdastyq qurýmen baılanysty jasaǵan qylmystar úshin jańa aıyp taǵyldy», -dep atap ótti Bas prokýratýranyń baspasóz qyzmeti.

«Tashkenttiń ıAshnabad aýdandyq qylmystyq sotynyń úkimimen G.Karımovaǵa qatysty qamaýǵa alý túrindegi bultartpaý sharasyn qoldandy. Іsti tergeý barysynda G.Karımovanyń quqyqtary men zańdy múddelerin qorǵaýdy ózi jáne onyń jaqyn týystary ákelgen 7 qorǵaýshysy júzege asyrady. Sonymen qatar, barlyq tergeý áreketterine qorǵaýshylardyń qatysýy jáne onymen shekteýsiz jeke kezdesý múmkindigi qamtamasyz etilgen», - dep habarlaıdy Ózbekstan Respýblıkasy Bas prokýratýrasynyń baspasóz qyzmeti

Qazirgi ýaqytta isti tergeý aıaqtaldy, G.Karımova qorǵaýshylardyń qatysýymen qylmystyq istiń materıaldarymen tanysýda.

Foto: BBC.com

Bizdiń kanalymyzǵa jazylyńyz:

Basty sózder: Qylmyspen kúres, Oqıǵa, Álem,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT