+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Ózbekstandaǵy Sardoba sý bógetiniń jarylysy: 17 adam sottaldy

2021 jylǵy 11 mamyr 00:45
Bólisińiz:
Ózbekstandaǵy Sardoba sý bógetiniń jarylysy: 17 adam sottaldy

TAShKENT. QazAqparat – Sardoba sý qoımasyndaǵy bógettiń jarylýyna baılanysty qylmystyq is boıynsha 17 adam sottaldy, dep habarlaıdy «QazAqparat» HAA tilshisi Ózbekstannyń Joǵarǵy sotyna silteme jasap.

Uqsas jańalyqtar
Qazaqstan men Ózbekstannyń jemqorlyqpen kúres organdary Memorandýmǵa qol qoıdy

Vedomstvonyń málimetinshe, 6 adam 3-ten 10 jylǵa deıingi aralyqta naqty merzimge bas bostandyǵynan aıyrylyp, 1 adamnyń bas bostandyǵy 4 jylǵa shekteldi, ózgelerine iri kólemde aıyppul salyndy.

Eń uzaq merzimge «Ýztemırıýlkýrılıshmontaj» mekemesiniń bas dırektorynyń burynǵy orynbasary, gıdrotehıkalyq qurylǵylar qurylysy dırektsııasynyń burynǵy basshysy M.Holmatov sottaldy.

Asa iri kólemde urlyq jasaǵany, jalǵan qujat jasaǵany sondaı-aq saldary kisi ólimimen men sol sııaqty ózge de aýyr jaǵdaıǵa alyp kelgen taý, qurylys nemese jarylý qaýpi bar jumystardy atqarý kezinde qaýipsizdik talaptaryn saqtamaǵany úshin 10 jylǵa bas bostandyǵynan aıyryldy. Sondaı-aq oǵan 3 jyl boıy materıaldyq jaýapty qyzmetterdi atqarýǵa tyıym salyndy.

«Sırdare sýv kýrılısh ınvest» mekemesiniń burynǵy basshysy S.Abdýnazarov pen UzGIP perspektıvalyq jobalardy josparlaý bóliminiń burynǵy bastyǵy S. Rýdnev 5 jylǵa bas bostandyǵynan aıyryldy.

Aıyppul 6,8 ózbek sýmynan 134 mln sýmǵa deıingi aralyqta salyndy. Sot sonymen qatar kinálilerge memleket qarjysyn talan-tarajǵa salý, jymqyrý jáne Sardoba sý qoımasynyń jarylýy saldarynan kelgen shyǵyn boıynsha shara qoldanady.

Osyǵan deıin Ózbekstanda Sardoba sý qoımasynyń bógeti jarylyp , eldi mekender, kommýnıkatsııalyq jeli, egistikke zaqym kelgen. Sonyń saldarynan Túrkistan oblysynda 4 aýyldy sý basyp , 620 úı búlindi. Maqtaral aýdanynda 2 mamyrda túngi 00:00-de tótenshe jaǵdaı jarııalandy.

Sondaı-aq Sardoba sý qoımasy bógetiniń jarylýy boıynsha qylmystyq is qozǵalǵan edi.


Mádıbek Jánibekov


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT