Ózbekstandaǵy parlament saılaýynyń nátıjesi jarııalandy

TAShKENT. ÓzA - QazAqparat – Keshe Ózbekstan parlamenti Zań shyǵarý palatasy jáne jergilikti keńester depýtattyǵyna kandıdattarǵa qaıta daýys berý ótkizildi, dep habarlaıdy QazAqparat ÓzA-ǵa silteme jasap.

Agenttiktiń habarlaýynsha, qaıta daýys berý 25 saılaý okrýginde ótkizilgen.

Ózbekstan Respýblıkasy Ortalyq saılaý komıssııasynyń málimdeýinshe, qaıta saılaýda Ózbekstan Lıberal-demokratııalyq partııasynan 11, «Mıllıı tıklanısh» demokratııalyq partııasynan 2, «Adolat» sotsıal-demokratııalyq partııasynan , Halyq demokratııalyq partııasynan jáne Ózbekstan Ekologııalyq partııasynan tórteýden kandıdat Zań shyǵarý palatasynyń depýtaty bolyp saılanǵan.

Eske sala keteıik, 2019 jylǵy 22 jeltoqsanda ótken parlament saılaýynda Ózbekstan lıberal-demokratııalyq partııasynan 43 depýtat saılanyp, parlamentte basymdyqqa ıe bolǵan edi. Lıberal-demokrattar qaıta saılaý nátıjeleri boıynsha óz basymdyqtaryn nyǵaıta tústi.