Ózbekstanda sý men maısham baǵasy sharyqtady
2022 jylǵy 25 qańtar 22:21

Ózbekstanda sý men maısham baǵasy sharyqtady

TAShKENT. QazAqparat – Ózbekstannyń Tashkent qalasy men birqatar oblystarda elektr energııasynyń óshirilýi saldarynan dúkenderde sý jáne maısham baǵasy kúrt ósti, dep habarlaıdy QazAqparat ÝzA aqparat agenttigine silteme jasap.

Eldegi sýmen jabdyqtaý kompanııasy turǵyndardy sýmen jabdyqtaý irkilisteriniń elektr energııasy berilgen soń da bola alatynyn eskertken. Sondaı-aq, Ózbekstan Boks federatsııasy baspasóz qyzmetiniń habarlaýynsha, el astanasynda 22 jasqa deıingi jastar arasynda boks jarystary elektr jabdyqtaý júıesindegi kidiristerge baılanysty belgisiz merzimge qaldyryldy.

ÓR Energetıka mınıstrligi baspasóz qyzmetinen qazirgi kezde Qaraqalpaqstan Respýblıkasy men Horezm oblysynda elektrmen jabdyqtaý júıesi tolyq, al Tashkent qalasy, Ferǵana, Andıjan, Sýrhandarııa jáne Tashkent oblystarynda jarym-jartylaı qalpyna keltirilgenin málim etti.

Buǵan deıin habarlanǵandaı, saǵat 11:59-da Ortalyq Azııanyń (Ózbekstan, Qyrǵyzstan) energojúıesinde týyndaǵan eleýli apattyq teńgerimsizdikke baılanysty «Soltústik-Shyǵys-Ońtústik Qazaqstan» 500 kV elektr qýatyn tranzıtteý úshin elektr qýatynyń artýy oryn alǵan.


Jańalyqtar

MURAǴAT