Ózbekstanda geoaqparattyq tehnologııalar ortalyǵy qurylady
2022 jylǵy 25 mamyr 22:03

Ózbekstanda geoaqparattyq tehnologııalar ortalyǵy qurylady

TAShKENT. ÓzA – QazAqparat – Ózbekstanda ǵaryshtyq monıtorıng jáne geoaqparattyq tehnologııalar ortalyǵy qurylady. Bul týraly QazAqparat ÓzA silteme jasap habarlaıdy.

Ózbekstan mınıstrler kabınetiniń habarlaýynsha, ortalyq spýtnıktik qurylǵylar arqyly Jerdi qashyqtyqtan zondtaý, onyń derekterin qabyldaý, saqtaý, óńdeý jáne taratý, ǵaryshtyq salaǵa qatysty qyzmetter kórsetý, ǵaryshtyq salaǵa ǵylymı-ınnovatsııalyq tehnologııalardy keńinen tartý maqsatynda osy saladaǵy ǵylymı-ınnovatsııalyq jumystardy júzege asyrý, ǵaryshtyq jáne geoaqparattyq tehnologııalardy, sondaı-aq ushqyshsyz ushý apparattaryn paıdalaný arqyly ekonomıkanyń, qorǵanys jáne qaýipsizdik sektorlarynyń jáne óńirlerdiń áleýmettik-ekonomıkalyq qyzmetiniń tıimdiligin arttyrýǵa járdemdesý baǵyttarynda jumys istemek.

Ǵaryshtyq monıtorıng jáne geoaqparattyq tehnologııalar ortalyǵy memlekettik organdar men uıymdarǵa, bıznes-qaýymdastyqtarǵa, jergilikti bılik organdaryna, jeke jáne zańdy tulǵalarǵa ǵaryshtyq monıtorıng, qashyqtyqtan zondtaý derekteri jáne basqa da ǵarysh qyzmetterin spýtnıktik jáne ushqyshsyz ushý apparattary arqyly qamtamasyz etedi.


Jańalyqtar

MURAǴAT