Ózbekstanda COVID-19 vırýsynyń buryn belgisiz mýtatsııalary anyqtaldy
2022 jylǵy 1 shilde 00:15

Ózbekstanda COVID-19 vırýsynyń buryn belgisiz mýtatsııalary anyqtaldy

TAShKENT. QazAqparat - Ózbekstanda 2021 jyldyń shilde-tamyz aılarynda eń kóp taralǵan shtamdar delta, alfa jáne 20A boldy, dep habarlaıdy QazAqparat Ózbekstan Respýblıkasynyń Innovatsııalyq damý mınıstrligine silteme jasap.

Ózbekstanda 2021 jyldyń shilde-tamyz aılarynda 39 naýqastan alynǵan SARS-CoV-2 koronavırýsynyń tolyq genomy ashyldy. SARS-CoV-2 klınıkalyq ızolıattarynyń tolyq genomdyq taldaýy barlyǵy 223 nýkleotıdtik deńgeıdegi varıatsııany (SNP) anyqtady, onyń 34-i deletsııa bolǵan.

«Buryn jarııalanbaǵan eki jańa mýtatsııa anyqtaldy, Atap aıtqanda, Nsp13 jáne Nsp12 qurylymsyz aqýyzdaryndaǵy A85P jáne Y479N mýtatsııalary. D614G mýtatsııasy barlyq ızolıattardyń S-aqýyzynan tabyldy», - dep habarlady vedomstvodan.

Klınıkalyq ızolıattardaǵy SARS-CoV-2 nusqalary Nextstrain kómegimen taldandy.

Qorytyndy boıynsha, Ózbekstanda 2021 jyldyń shilde-tamyz aılarynda eń kóp taralǵan nusqalar delta (82%), alfa (10,3%) jáne 20A (7,7%) shtamdary boldy. Delta shtamyn geografııalyq taralý kartasy boıynsha Reseı, Danııa, AQSh, Mysyr jáne Bangladesh toptaryna bólýge bolady.

«Qazirgi zertteý Nsp13: A85P jáne Nsp12: Y479N qalpyna keltirýdiń jańa kezeńi, ORF7a: P45L normadan tys ózgerisi aýrýdyń aýyr damýymen baılanysty ekenin kórsetti», - dedi mınıstrlikten.

39 ızolıattyń genomdyq tizbegi NCBI, GISAID halyqaralyq derekqorlarynda tirkeldi. Nátıjeleri PLOS ONE ǵylymı jýrnalynda jarııalanǵan.

Buǵan deıin Ózbekstanda koronavırýs juqtyrǵandar sanynyń kóbeıgeni týraly habarlanǵan bolatyn. Tashkentte aýrýdy juqtyrǵandar sanynyń artýy aıasynda kovıd klınıkasy jumysyn qaıta bastady.


Ashyq kózderden alynǵan foto


Uqsas jańalyqtar

Jańalyqtar

Úrdis

MURAǴAT