Ózbekstan SІM: Aýǵanstannan Ózbekstan aýmaǵyna bes snarıad qulady
2022 jylǵy 5 shilde 23:33

Ózbekstan SІM: Aýǵanstannan Ózbekstan aýmaǵyna bes snarıad qulady

TAShKENT. QazAqparat – 5 shildede Ózbekstannyń shekara aýmaǵyna boljam boıynsha Aýǵanstan jaqtan ushyp kelgen bes reaktıvti snarıad qulady, dep habarlaıdy «QazAqparat» HAA menshikti tilshisi Ózbekstan Respýblıkasynyń Syrtqy ister mınıstrligine silteme jasap.

«2022 jyldyń 5 shildesinde saǵat 16.20-da Ózbekstannyń shekara aýmaǵyna bes reaktıvti snarıad qulady. Aldyn ala málimet boıynsha, olar Aýǵanstan aýmaǵynan ushyrylǵan», - dedi SІM.

Vedomstvoda atap ótkendeı, snarıad qulaǵanda jarylmaǵan, eshkim zardap shekpegen jáne eshteńe qıramaǵan. Termez qalasy «Majnýntol» mahallasyndaǵy tórt jer úıge bolmashy zaqym kelgen, besinshi snarıad fýtbol alańynan tabyldy. Tabylǵan snarıadtardy saperler zalalsyzdandyrdy.

Qazirgi ýaqytta Ózbekstannyń jaýapty organdary aýǵan tarapymen birlesip oqıǵanyń sebebin anyqtap jatyr.


Uqsas jańalyqtar

Jańalyqtar

Úrdis

MURAǴAT