Ózbekstan Prezıdentiniń ınaýgýratsııasy kúni belgili boldy
2021 jylǵy 5 qarasha 16:23

Ózbekstan Prezıdentiniń ınaýgýratsııasy kúni belgili boldy

TAShKENT. QazAqparat – 6 qarasha kúni saǵat 11:00-de Tashkentte Olıı Majlısi ǵımaratynyń jańadan salynǵan úlken májilis zalynda Olıı Majlıstiń Zań shyǵarý palatasy men Senatynyń jańa saılanǵan Prezıdentti ulyqtaýǵa arnalǵan birlesken otyrysy ótedi.

Bul týraly Ózbekstan Parlamenti baspasóz qyzmetinde málimet taratyldy, dep habarlaıdy QazAqparat.

Eske salaıyq, 29 qazanda Ózbekstannyń Ortalyq saılaý komıssııasy Prezıdent saılaýynyń qorytyndysyn resmı túrde jarııalady.

OSK tóraǵasy Zaınıddın Nızamhodjaevtyń aıtýynsha, resmı málimetter boıynsha saılaýshylar kelesideı daýys bergen:

- saılaýǵa qatysqandardyń 5,48 paıyzy (888 515 adam) Ózbekstannyń «Mıllıı tıklanısh» demokratııalyq partııasynan kandıdat Álisher Qadyrovqa daýys berdi;

– Kásipkerler men iskerler qozǵalysy – Ózbekstan Lıberal-demokratııalyq partııasynyń kandıdaty Shavkat Mırzııaevqa 80,12 paıyzy (12 988 964 adam) daýys berdi;

- 6,63 paıyzy (1 075 516 adam) Ózbekstan halyqtyq-demokratııalyq partııasynan kandıdat Maqsýda Vorısovaǵa daýys berdi;

- Ózbekstannyń «Adolat» sotsıal-demokratııalyq partııasynan kandıdat Bahrom Abdýhalımovqa 3,39 paıyzy (549 766 adam) daýys berdi;

– Saılaýǵa qatysqandardyń 4,14 paıyzy (670 641 adam) Ekologııalyq partııadan kandıdat Narzýlla Oblomýrodovqa daýys berdi.

Ózbekstan prezıdenttigine ekinshi merzimge saılanǵan Shavkat Mırzııaevti ulyqtaý rásimi 6 qarashada ótedi.


Foto: kun.uz


Avtor:
Tilshi

Jańalyqtar

MURAǴAT