Óz memleketin ógeı etip kórsetýdi kózdeıtin antagonıstik kózqarastarmen kelisýge bolmaıdy - Memlekettik hatshy

NUR-SULTAN. QazAqparat - Óz memleketin ógeı etip kórsetýdi kózdeıtin antagonıstik kózqarastarmen tipten de kelisýge bolmaıdy. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

«Ózi tańdaǵan qoǵamda ómir súre otyryp, óz memleketin ógeı etip kórsetýdi kózdeıtin antagonıstik kózqarastarmen tipten kelisýge bolmaıdy. Sol sebepti bizdiń basty ustanymymyz azamat, azamattyq qoǵam, memleket degen úshtik uǵymmen úılesip jatýy tıis. Bizdiń paıymdaýymyzsha, atalǵan úshtiktiń árqaısy - bir-birimen bitispes jaý emes, kerisinshe birliktiń rýhanı nárimen sýsyndanǵan birtutas aǵza. ıAǵnı, memleket degenimiz el azamattarynyń erkin erik-jigeriniń arqasynda eńse tiktegen konstıtýtsııalyq deńgedegi qoǵamdyq kelisimniń máýeli jemisi, mártebeli bıigi», - dedi Qyrymbek Kósherbaev.

Sondyqtan da Memlekettik hatshy olardyń ózara jaýapkershiligi men ózara baılanysynyń tereńdeýi el damýynyń da bereketi bolatyndyǵyn basa aıtty.

«Dálirek aıtsaq, qazirgi tańda jaýapty qyzmet, azamat óziniń egemen eline eńbek sińirip, otandastarynyń da zańdy quqyǵy men erkindiginiń jáne múddesi jolynda qyzmet etetin jaýapty azamattyq qoǵamnyń ajyramas bólshegi bolyp tabylady. Sol sebepti joǵaryda aıtylǵan úshtiktiń - jaýapty azamat, jaýapty azamattyq qoǵam, jaýapty memleket degen jańa formýlaǵa ulasýy el damýynda erekshe ról atqarmaq», - dedi ol.