Otyz jyl buryn osy kúni ishki ister organdary týraly zań qabyldandy
2022 jylǵy 23 maýsym 06:29

Otyz jyl buryn osy kúni ishki ister organdary týraly zań qabyldandy

NUR-SULTAN. QazAqparat – Osydan týra 30 jyl buryn Qazaqstan polıtsııasy qurylǵan bolatyn, dep habarlaıdy QazAqparat tilshisi.

23 maýsym – Qazaqstan polıtsııasynyń kúni retinde atalyp ótip kele jatqanyna 15 jyl tolyp otyr. ıAǵnı, 2007 jyly osy kúni Qazaqstanda Polıtsııa kúni retinde bekitilgen bolatyn. Óıtkeni 1992 jylǵy 23 maýsymda Qazaqstan Joǵarǵy Keńesi «Qazaqstan Respýblıkasy ishki ister organdary týraly» Zań qabyldaǵan edi.

Bul kúni ishki ister sapyndaǵy polıtsııa qyzmetkerlerine qurmet kórsetilip, tabysty jumysymen kózge túskender marapattalady.

Aıta ketý kerek, Prezıdent Qasym-Jomart Toqaevtyń tapsyrmasy boıynsha Qazaqstan polıtsııasy servıstik modelge kóshý reformasyn bastan ótkerip jatyr. Naqtyraq aıtsaq, ýchaskelik polıtsııa ınspektorynyń jańa beınesin qalyptastyrý baǵytynda keshendi sharalar qabyldanýda. Ákimshilik jaza qoldaný týraly qaýlynyń mártebesi zańdy túrde artyp, ókiletteri keńeıtilip jatyr.

Polıtsııa ókilderiniń jumys formasy da reformaǵa ushyrady. Burynǵy qatań tártiptegi kıimniń ornyna qımylǵa ońtaıly, yqsham stıldegi formalar engizilip jatyr.


Uqsas jańalyqtar

Jańalyqtar

Úrdis

MURAǴAT