Otyrarda kezekti «Halyqtyq keńse» ashyldy

OTYRAR. QazAqparat – Túrkistan oblysy, Otyrar aýdanynyń ortalyǵy Sháýildir eldi mekeninde «Halyqtyq keńse» ashyldy. Kásipkerler palatasy ǵımaratynan ashylǵan keńse endigi jerde aýyl turǵyndaryna qyzmet kórsetedi, dep habarlaıdy QazAqparat tilshisi.

Ashyqtyqty qamtamasyz etý maqsatynda ashylǵan keńsede memlekettik qyzmetter sapaly túrde kórsetilip, qujattar rásimdeý jeńildetiledi. Aptanyń dúısenbi jáne juma kúnderi aralyǵynda jumys isteıtin keńsede túrli salanyń bilikti mamandary turǵyndardyń suraqtaryna jaýap berip, halyqqa tıimdi qyzmet kórsetetin bolady. Endi aýdan turǵyndary túrli máseleleri men ózge de suraqtary boıynsha ár mekemege baryp ýaqyt joǵaltpastan, osy keńsede barlyq sala boıynsha qajetti qyzmet túrlerin ala alady.

Aıta keteıik, buǵan deıin óńirdegi mundaı keńselerdiń alǵashqysy Túlkibas aýdanynda, ári qaraı oblystyq Polıtsııa departamentinde jáne barlyq qalalyq, aýdandyq polıtsııa bólimderinde jappaı ashylǵan bolatyn. Sondaı-aq, azamattar úshin qolaıly keńseler aldaǵy ýaqytta basqa da qala,aýdandarda ashylady dep josparlanǵan.