+7 (701) 759 90 19
USD 376.72 EUR 408.67
RUB 5.76 CNY 53.68
Jańalyqtar

Ótken jyly Qyzylordada kásipkerlikti damytýǵa 44 mlrd teńge bólingen

2020 jylǵy 27 qańtar 18:52
Bólisińiz:
Ótken jyly Qyzylordada kásipkerlikti damytýǵa 44 mlrd teńge bólingen

QYZYLORDA. QazAqparat - Qyzylorda oblysynda 2019 jyly kásipkerlikti damytýǵa túrli qarjy kózderinen 44 mlrd teńge bólindi. Nátıjesinde 3 myńnan astam jumyssyz azamatqa qaıtarymsyz grant jáne 1,5 myńǵa jýyq azamatqa shaǵyn nesıe berildi, dep habarlaıdy QazAqparat tilshisi.

Uqsas jańalyqtar
Aqtóbede bıznesti qoldaýǵa 35 mıllıard teńge jumsalady Arbaǵa tańylǵan aqtóbelik taǵdyrlastaryna turmystyq tehnıka jóndeýdi úıretýde Aqtóbede 25 jastaǵy kelinshek 500 myń teńgege naýbaıhana ashty

Osy baǵytta atqarylǵan jumystar men aldaǵy mindetter oblys ákimi Qýanyshbek Ysqaqovtyń tóraǵalyǵymen ótken aktıv otyrysynda keńinen talqylandy. Aımaq basshysy Prezıdent Qasym-Jomart Toqaevtyń 24 qańtardaǵy Úkimettiń keńeıtilgen otyrysynda bergen tapsyrmalaryna jan-jaqty toqtalyp ótti.

Oblys ákimi ındýstrııalyq-ınnovatsııalyq damý basqarmasyna tıisti salalar boıynsha tartylýy tıist ınvestıtsııa kólemin jınaqtap, 2020 jylǵy 7 aqpanǵa deıin bekitýge usynýdy mindettedi.

«Investıtsııa tartýda ındýstrııalandyrý baǵdarlamasy «magnıt» bolýy tıis. Bıyl ındýstrııalandyrý baǵdarlamasynyń úshinshi besjyldyǵyna aıaq bastyq. Indýstrııalyq-ınnovatsııalyq damý basqarmasyna joba bastamashysy «Orda glass» JShS-men birlesip, óńirimizdegi iri jobalardyń biri – shyny zaýytynyń bıylǵy jyly ekinshi jarty jyldyqta iske qosylýy úshin tıisti jumystardy úılestirip, júzege asyrýdy tapsyramyn»,- dedi oblys ákimi Q.Ysqaqov.

Úkimettiń keńeıtilgen otyrysynda kásipkerlerdi qorǵaıtyn jáne damytatyn, eksport naryǵyna jol ashatyn, ónimdilikti ulǵaıtyp, qazaqstandyq ónimderdiń sapasy men básekege qabilettiligin arttyratyn tıimdi ónerkásip saıasatyn, sonymen qatar, ashyq ári pragmatıkalyq salyqtyq-bıýdjettik saıasat qalyptastyrý kerektigi aıtylǵan.

«Ekinshi deńgeıli bankter arqyly turaqty bızneske 26,8 mlrd teńge, onyń ishinde memlekettik baǵdarlamalar aıasynda 5,6 mlrd teńge qarajat baǵyttalǵan. Bıyl da kásipkerlik salasyn damytýǵa ártúrli kózderden bastapqy kezde 38 mlrd. teńgege jýyq qarajat tartý kózdelýde. Bul qarjy jyl sońyna deıin ulǵaıtylady. Ónimdilikti ulǵaıtý, qazaqstandyq ónimderdiń sapasy men básekege qabilettiligin arttyratyn tıimdi ónerkásip saıasatyn qalyptastyrý maqsatynda qarajattyń basym bóligin jańa óndiris kózderin ashýǵa baǵyttaýǵa nazar aýdarylýy tıis. Bıyldan bastap mıkro jáne shaǵyn bıznes salyqtan jáne arnaıy tekserýden bosatylyp otyr. Bul - óńir kásipkerleri úshin úlken múmkindik»,- dedi oblys ákimi Q.Ysqaqov.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT