Ótken jyly elimizde 200 jumysshy jumys ornynda qaza tapqan
2022 jylǵy 21 qańtar 10:32

Ótken jyly elimizde 200 jumysshy jumys ornynda qaza tapqan

NUR-SULTAN. QazAqparat - Eńbek qatynastaryn retteý máseleleri jáne jumyspen qamtýdy qamtamasyz etý jónindegi sharalar respýblıkalyq úshjaqty komıssııa otyrysynda qaraldy, dep habarlaıdy QazAqparat.

QR Premer-Mınıstriniń orynbasary Eraly Toǵjanovtyń tóraǵalyǵymen ótken Áleýmettik áriptestik pen áleýmettik jáne eńbek qatynastaryn retteý jónindegi respýblıkalyq úshjaqty komıssııanyń kezekti otyrysynda eńbek qatynastaryn retteý, «Teńizshevroıl» JShS bosatylatyn ju m ys kerlerin jumyspen qamtý boıynsha sharalar kórsetý máseleleri talqylandy, sondaı-aq Qazaqstan Respýblıkasynda 2030 jylǵa deıingi qaýipsiz eńbek tujyrymdamasynyń jobasy qaraldy.

Іs-sharaǵa Eńbek jáne halyqty áleýmettik qorǵaý, Ulttyq ekonomıka, Qarjy, Ádilet, Energetıka, Indýstrııa jáne ınfraqurylymdyq damý mınıstrlikteriniń, áleýmettik seriktesterdiń, «Teńizshevroıl» JShS ókilderi, sondaı-aq oblystar, Almaty, Nur-Sultan jáne Shymkent qalalary ákimderiniń orynbasarlary qatysty.

Eńbek jáne halyqty áleýmettik qorǵaý mınıstri Serik Shápkenov otyrysqa qatysýshylardy eńbek qatynastaryn retteý boıynsha qabyldanyp jatqan sharalar týraly habardar etti.

Ol búgingi tańda Qazaqstanda 6,7 mln adam jumys isteıtin 340 myńnan astam belsendi kásiporyn bar ekenin habarlady.

«Jumyskerlerdiń eńbek quqyqtarynyń saqtalýyn baqylaýdy 246 memlekettik eńbek ınspektory júzege asyrady, olar 2021 jyly 5 130 tekserý júrgizdi, nátıjesinde 10 783 buzýshylyq anyqtaldy. Júrgizilgen jumys qorytyndysy boıynsha jumys berýshilerge 3 371 uıǵarym berilip, 278,2 mln teńge somasyna 1 334 aıyppul salyndy», – dedi Serik Shápkenov.

Elimizdiń kásiporyndarynda 1465 adam zardap shekti, bul ótken jyldyń sáıkes kezeńimen salystyrǵanda 2,5%-ǵa tómen (2020 jyly – 1503 adam).

Bul rette 200 adam qaıtys boldy, bul 205 adam qaıtys bolǵan 2020 jylmen salystyrǵanda 2,4%-ǵa tómen.

«Jumys oryndaryndaǵy eńbek jaǵdaılarynyń naqty jaı-kúıin baǵalaý jáne olardyń nátıjeleri boıynsha sharalar keshenin iske asyrý úshin 4 206 óndiristik obekt attestattaýdan ótkizildi, 15,5 myńnan astam óndiristik keńester quryldy, onda 18 myńnan astam tehnıkalyq ınspektor ishki baqylaýdy júzege asyrady. Budan basqa, 2 796 kásiporynda eńbek qaýipsizdigi jáne eńbekti qorǵaý boıynsha halyqaralyq standarttar engizildi (OHSAS 18001, HEU-EQBJ)», – dep habarlady Eńbekmıniniń basshysy.

Ol sondaı-aq ótken jyly 164 kásiporyn «Halyqtyq baqylaý» jobasyn engizgenin, 292 kásiporyn «Vision Zero» nóldik jaraqattaný tujyrymdamasyna qosylǵanyn atap ótti.

Otyrys barysynda «Teńizshevroıl» JShS ókilderi kásiporynnyń bosatylatyn jumyskerlerin jumyspen qamtý boıynsha kórsetiletin sharalar týraly habardar etti.

2021 jyldyń basynda bolashaq keńeıtý jobasynyń jáne saǵalyq qysymdy basqarý jobasynyń aıaqtalýy nátıjesinde 4 649 adam bosatyldy, onyń 37% - Atyraý oblysynyń turǵyndary.

1 286 adam TShO jobalary ishinde jáne 594 adam uıymnan tys jumys oryndaryna ıe boldy.

Qalǵan qyzmetkerler úshin jergilikti atqarýshy organdar jumysqa ornalastyrý boıynsha jumys júrgizýde.

Óz kezeginde Serik Shápkenov memlekettik organdar TShO-men birlesip, 2021-2023 jyldarǵa arnalǵan «Teńizshevroıl» JShS-niń bosatylyp jatqan jumyskerlerin jumyspen qamtý jáne josparly bosatýdy monıtorıngileý boıynsha is-sharalardyń jol kartasyn bekitkenin habarlady.

«Ótken jyldyń basynda respýblıka boıynsha jumys oryndaryn saqtaý boıynsha 144,8 myńnan astam memorandým jasaldy. Jumys berýshiler alǵan mindettemelerin oryndaý kezinde 2,8 mln jumys ornyn saqtaý qamtamasyz etiledi», – dep atap ótti Eńbekmıniniń basshysy.

Budan basqa, RÚK músheleri qyzmetkerlerdiń qaýipsiz eńbek jaǵdaılaryna quqyqtaryn iske asyrýdy qamtamasyz etetin eńbekti qorǵaýdy basqarýdyń baǵdarlanǵan ulttyq júıesiniń táýekelin damytý maqsatynda ázirlengen Qazaqstan Respýblıkasyndaǵy 2030 jylǵa deıingi qaýipsiz eńbek tujyrymdamasyn maquldady. Tujyrymdama sheńberinde 2030 jylǵa qaraı 4 negizgi mindet aıqyndaldy:

– Táýekelge baǵdarlanǵan tásil negizinde eńbekti qorǵaýdy basqarýdyń ulttyq júıesin jańǵyrtý;

– kásiptik táýekelderdi tómendetý jónindegi sharalardy ekonomıkalyq yntalandyrý;

– eńbekti qorǵaý salasyndaǵy kásibı quzyretter men ǵylymı áleýetti damytý;

– eńbekti qorǵaý salasyndaǵy baqylaý men monıtorıngtiń tıimdiligin arttyrý.

Tujyrymdamany iske asyrý barysynda 2030 jylǵa qaraı zııandy jáne basqa da qolaısyz eńbek jaǵdaılarynda jumys isteıtin qyzmetkerler sanyn 15%-ǵa deıin tómendetýge qol jetkizý, óndiristegi jazataıym oqıǵalar saldarynan zardap shekkender sanyn 0,24-ke deıin (1000 jumysshyǵa) tómendetý, sondaı-aq eńbek zańnamasynyń saqtalýyn tekserý nátıjeleri boıynsha anyqtalǵan buzýshylyqtardyń jalpy sanyna eńbekti qorǵaý salasyndaǵy buzýshylyqtar úlesin 15%-ǵa deıin tómendetý josparlanýda.

Otyrys sońynda Premer-Mınıstrdiń orynbasary qyzmetkerlerdiń eńbek quqyqtary men jumysqa ornalasýyn qamtamasyz etý boıynsha jumysty jalǵastyrýdy, jumystan bosatý, jumyskerlerdiń eńbek quqyqtarynyń qysqarýy jáne basqa da buzylý táýekelderine turaqty monıtorıng júrgizýdi, óndiristik jaraqattanýdyń ósýine jol beretin jumys berýshilerge sharalar qabyldaýdy, sondaı-aq eńbek janjaldaryna jol bermeý jóninde sharalar qabyldaýdy tapsyrdy.

Eraly Toǵjanov áleýmettik áriptestik qyzmetkerlerdiń áleýmettik-ekonomıkalyq múddelerin, eńbek kepildikterin saqtaý, áleýmettik turaqtylyqty saqtaý máselelerin sheshýge múmkindik beretin áleýmettik jáne eńbek qatynastary salasyndaǵy memlekettik saıasatty iske asyrý tetikteriniń biri bolyp tabylatynyn atap ótti.


Jańalyqtar

MURAǴAT