+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Otbasylyq jáne genderlik saıasatta mańyzdy róldi óńirler atqarady – Ulttyq komıssııa

2020 jylǵy 21 qyrkúıek 17:56
Bólisińiz:
Otbasylyq jáne genderlik saıasatta mańyzdy róldi óńirler atqarady – Ulttyq komıssııa

NUR-SULTAN. QazAqparat - QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy Lázzat Ramazanovanyń jetekshiligimen Atyraý oblysy ákiminiń janyndaǵy Áıelder isteri jáne otbasylyq-demografııalyq saıasat jónindegi oblystyq komıssııa músheleri, óńirlik úkimettik emes uıymdardyń jetekshileri qatysqan onlaın keńes ótti, dep habarlaıdy QazAqparat.

Óńirlerde otbasylyq jáne genderlik saıasatty iske asyrý jáne Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynda bekitilgen nysanaly ındıkatorlarǵa qol jetkizý máselelerin talqylaý maqsatynda mundaı keńesterdi Nur-Sultan, Almaty, Shymkent qalalarynyń jáne oblystardyń óńirlik komıssııa músheleriniń, úkimettik emes uıymdar ókilderiniń qatysýymen ótkizý josparlanyp otyr.

Lázzat Ramazanova áıelderdiń eńbegin qorǵaý, olardyń memlekettik basqarýdyń barlyq deńgeılerinde jáne korporatıvtik salalarǵa qatysýyn qamtamasyz etý máselesine Memleket basshysy Q.Toqaev úlken kóńil bóletindigin basa aıtty.

«El damýyndaǵy Atyraý oblysynyń orny qashanda aıryqsha. Óńirdiń qazirgi zamanǵa saı ekonomıkalyq, áleýmettik áleýetiniń qalyptasýyna atyraýlyq qyz-kelinshekterdiń úlesiniń nátıjesi», - dedi Ulttyq komıssııa tóraǵasy.

Keńeste memlekettik genderlik saıasattyń jańa kezeńi ulttyq strategııalyq basymdyqtarmen jáne áleýmettik saıasattyń jańa qaǵıdattarymen baılanystylyǵyna basymdyq jasaldy.

Lázzat Ramazanova qoǵamnyń ár salasynda eńbek etip júrgen áıelderdi, onyń ishinde praımerızge qatysatyn qyz-kelinshekterdi jan-jaqty qoldaýdyń mańyzdylyǵyn aıtty. Sonymen qatar bul jumystyń úılestirýshisi retinde óńirlik komıssııalardyń belsendiligin arttyrý kerektigi ataldy.

Sońynda Atyraý oblysynyń áıelder isteri jáne otbasylyq-demografııalyq saıasat jónindegi óńirlik komıssııasyna birqatar naqty usynystar berildi.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT