Otanǵa oralǵan qandastar jańa oblystarǵa qonystanýy múmkin
2022 jylǵy 23 maýsym 15:11

Otanǵa oralǵan qandastar jańa oblystarǵa qonystanýy múmkin

NUR-SULTAN. QazAqparat – Elge oralǵan qandastar endi jańa oblystarǵa qonystanýy múmkin. Eńbek jáne halyqty áleýmettik qorǵaý mınıstrligi qandastardy Abaı jáne Ulytaý oblystaryna qonystandyrý boıynsha qaýlyny ashyq talqyǵa shyǵardy, dep habarlaıdy QazAqparat tilshisi.

«Qaýlynyń maqsaty – qandastar men qonys aýdarýshylardy qonystandyratyn óńirler qataryna jańa qurylǵan Abaı jáne Ulytaý oblystaryn qosý. Qujat qabyldansa, bul úrdis memlekettiń demografııalyq jaǵdaıyna oń áser etedi», - delingen qujatta.

Jaýapty mınıstrlik málimetine sáıkes, búginde otanǵa oralǵan qandastar elimizdiń 7 oblysyna qonystanady. Al usynylyp otyrǵan qaýlyda bul tizimnen Atyraý oblysy alynyp tastalady. Onyń ornyna eki jańa oblys qosylyp, jalpy sany 8 óńir qandastardy qabyldaıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT