Otandyq telearnalar Qazaqstan men Belgııa yntymaqtastyǵy týraly derekti fılmdi kórsetedi
2021 jylǵy 5 jeltoqsan 17:00

Otandyq telearnalar Qazaqstan men Belgııa yntymaqtastyǵy týraly derekti fılmdi kórsetedi

NUR-SULTAN. QazAqparat – QR Prezıdentiniń teleradıokesheni Memleket basshysy Qasym-Jomart Toqaevtyń Belgııaǵa sapary qorytyndysyna arnalǵan «Qazaqstan men Belgııa: dıalog formatynda» derekti fılminiń kórsetiletindigin jarııa etti, dep habarlaıdy QazAqparat tilshisi.

«Derekti fılmde Qazaqstan Prezıdentiniń Belgııa Koroldigine resmı sapary jaıynda baıandalady. Fılmde ekijaqty deńgeıde, sonymen qatar Yntymaqtastyq pen seriktestikti keńeıtý týraly kelisim aıasynda Eýropalyq odaq deńgeıinde ótken kelissózderdiń qorytyndysy kórsetilgen. Sonymen qatar fılmde saıası qaıratkerlerdiń, qazaqstandyq jáne eýropalyq bıznes kóshbasshylarynyń eksklıýzıvti suhbattary usynylady», - delingen Prezıdent teleradıokesheni taratqan aqparatta.

Jańa fılm taıaý ýaqytta elimizdiń telearnalarynda kórsetilmek.

Aıta keteıik, 25 qarashada Qazaqstan Prezıdenti Qasym-Jomart Toqaevtyń Belgııaǵa resmı sapary osy eldiń koroli Fılıppen kezdesýden bastaldy.

Kezdesýde Memleket basshysy kelesi jyldyń qyrkúıek aıynda elimizde Álemdik jáne dástúrli dinder kóshbasshylarynyń VII sezi ótetinin aıtty. Sol mańyzdy is-sharaǵa Korol Fılıpp te qatysady dep úmittenetinin jetkizdi.

Sonymen qatar Qasym-Jomart Toqaev Belgııanyń Premer-Mınıstri Aleksandr De Kroomen kelissóz júrgizdi. Kezdesý barysynda taraptar saýda-ekonomıkalyq jáne ınvestıtsııalyq yntymaqtastyqty nyǵaıtýǵa erekshe nazar aýdardy.


Seriktester jańalyqtary

Jańalyqtar

Úrdis

MURAǴAT