+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Otandyq ónimniń eksporttyq áleýetin qalaı arttyrýǵa bolady - sarapshy pikiri

2019 jylǵy 1 aqpan 10:52
Bólisińiz:
Otandyq ónimniń eksporttyq áleýetin qalaı arttyrýǵa bolady - sarapshy pikiri

ASTANA. QazAqparat - «Bıznestiń jol kartasy-2020» baǵdarlamasy jeńil ónerkásip ónimderiniń eksporttyq áleýetin arttyrýǵa jol ashady. Bul týraly Qazaqstan strategııalyq zertteý ınstıtýty Áleýmettik-ekonomıkalyq zertteýler bóliminiń ǵylymı qyzmetkeri Bekjan Sadyqov aıtty, dep habarlaıdy QazAqparat.

«Jeńil ónerkásip - Qazaqstannyń óńdeý ónerkásibiniń qurylymyndaǵy áleýmettik-ekonomıkalyq turǵydaǵy eń mańyzdy sektorlarynyń biri. Qazirgi ýaqytta óndiris kólemi 85,4 mlrd teńgeni quraıdy. Bul 2012 jyldyń kórsetkishinen 2,5 ese artyq», - deıdi Bekjan Sadyqov.

Sarapshynyń aıtýynsha, jeńil ónerkásip salasynyń ósýine memlekettik qoldaý kórsetilip keledi. Ásirese, «Bıznestiń jol kartasy-2020» baǵdarlamasy jeńil ónerkásiptiń, atap aıtqanda kıim, aıaq kıim jáne basqa da salalar úshin kóptegen jobalardy damytýǵa múmkindik berýde. Bul rette Bekjan Sadyqov eń jarqyn jáne tabysty mysaldardyń biri - «Glasman» JShS tigin fabrıkasy ekenin atap ótti. Kompanııa ımporttyq ónimderden kem túspeıtin klassıkalyq erler kıimin jáne mektep kıimderin halyqqa usynady.

«Jol kartasy - 2020» baǵdarlamasy sheńberinde 30 mln teńgeniń bólinýi zaýyttyń tehnologııalyq jelisin jańǵyrtýǵa jol ashty. Ol kompanııa, osylaısha, óndiristik qýattylyqty arttyryp, kórshi elderge, sonyń ishinde Reseı naryǵyna shyǵýǵa múmkindik beredi. Tigin fabrıkasynyń ónimderi qorshaǵan ortaǵa zııan tıgizbeıtin matalardy paıdalanýdyń arqasynda joǵary suranysqa ıe jáne Ortalyq Azııada teńdessiz. Budan basqa, kompanııa múgedekterge qoldaý kórsetip, qaıyrymdylyq kómekke de erekshe atsalysýda», - deıdi ol.

Zaýyt basshylyǵy saýda kólemin arttyryp, qosymsha 500 jumys ornyn qurý arqyly kásiporynnyń kirisin kóbeıtýdi maqsat etip otyr.

«Glasman» JShS memlekettik qoldaýdyń arqasynda tabysqa jetken sátti ındýstrııa jobasynyń jalǵyz mysaly emes. Qazaqstan halqynyń arasynda tanylǵan basqa jobalar - «Mimioriki» JShS, «Kazlegprom-Almaty» JShS, «Semıramıda» JShS jáne basqa úlgili kompanııalar jeterlik. «Jol kartasy - 2020» shaǵyn jáne orta bıznesti qoldaýdyń tıimdi tetigi boldy. Elimizdegi kıim-keshek pen toqyma ónimderin tutyný kólemi joǵary. Bul suranys otandyq kompanııalardyń odan ári damýy úshin qolaıly jaǵdaı jasaıdy», - deıdi sarapshy.

Bekjan Sadyqov joǵaryda atalǵan baǵdarlamany 2025 jylǵa deıin uzartý amaly óńdeý ónerkásibiniń eksporttyq áleýetin arttyrýdy, jeńil ónerkásipke 500 mlrd teńge bólýdi kózdeıtinin alǵa tartady. Osylaısha, aldaǵy ýaqytta jeńil ónerkásiptiń ónimderi, atap aıtqanda, kıim jáne toqyma ónimderi syrtqy naryqta keńinen usynylatyn bolady.

Eske sala ketsek, Memleket basshysynyń tóraǵalyǵymen ótken Úkimettiń keńeıtilgen otyrysynda Nursultan Nazarbaev mınıstrler men ákimderge Qazaqstannyń óz ónimderin nasıhattaýǵa shaqyrǵan bolatyn.

«Birinshiden, ózimizdiń ónimderimizdi nasıhattaý kerek. Bul óz kezeginde otandyq jeńil ónerkásipti kóterýge yqpal etedi», - degen edi Elbasy Úkimettiń keńeıtilgen otyrysynda.


Foto: kisi.kz

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT