+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Otandyq ónimdi qoldaý: «El ishindegi qundylyq» atty jańa uǵym paıda boldy

2021 jylǵy 26 aqpan 11:18
Bólisińiz:
Otandyq ónimdi qoldaý: «El ishindegi qundylyq» atty jańa uǵym paıda boldy

NUR-SULTAN. QazAqparat – Qazaqstanda otandyq ónimderdi qoldaý maqsatynda «El ishindegi qundylyq» atty jańa uǵym engiziledi. Ónerkásip salasynda talqylanyp jatqan jańa zań jobasyna osyndaı uǵym kiriktirilip otyr, dep habarlaıdy QazAqparat tilshisi.

«Otandyq ónerkásiptik ónimdi ótkizý naryqtarynda ilgeriletý kerek. Osy maqsatta zań jobasynda birinshi kezekte ónimderi qosylǵan qunnyń jahandyq tizbegine enýi múmkin sheteldegi mekemelerimizmen jumys isteımiz. Bizdiń kásiporyndarymyz olardy qoldasa eksportqa baǵdarlanǵan ónerkásiptik kásiporyndardy qoldaýǵa shoǵyrlandyrý kerek. Biz eksporttaýshylarymyzǵa syrtqy naryqtardaǵy kedergilerdi (kedendik, ákimshilik jáne basqa da tosqaýyldardy) alyp tastaý máselelerinde de járdemdesýge tıispiz», - dedi Indýstrııa jáne ınfraqurylymdyq damý mınıstri Beıbit Atamqulov Senatta ótip jatqan «QR ónerkásiptik saıasatty zańnamalyq retteý: jaı-kúıi, problemalary jáne sheshý joldary» taqyrybyndaǵy Úkimet saǵatynda.

Onyń aıtýynsha bıyldan bastap biz Dúnıejúzilik saýda uıymynyń sharttaryna baılanysty jergilikti qamtýdy damytý jónindegi jumys qaıta qaralady.

«Osyǵan baılanysty zań jobasymen el ishindegi qundylyq degen jańa uǵym engiziledi. Zań jobasynyń birqatar normalary satyp alýlarda ulttyq standarttardy qoldanýdy monıtorıngteý arqyly ulttyq ekonomıkanyń ózindik qajettiligin qamtamasyz etýge baǵyttalǵan. Sondaı-aq, jumys memlekettik satyp alýdaǵy ulttyq rejımnen alyp tastaýdy belgileý baǵyty boıynsha júrgiziletin bolady», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT