+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Otandyq kompıýter toptamasy SQO-daǵy mektepterge jóneltildi

2020 jylǵy 28 tamyz 17:17
Bólisińiz:
Otandyq kompıýter toptamasy SQO-daǵy mektepterge jóneltildi

PETROPAVL. QazAqparat – Soltústik Qazaqstan oblysyndaǵy Kırov atyndaǵy zaýyt qurastyrǵan kompıýterdiń alǵashqy legi – 470 kompıýter óńir mektepterine jetkizildi, dep habarlaıdy QazAqparat tilshisi.

Petropavldaǵy «S.M.Kırov atyndaǵy zaýyt» oblystyq ákimdiktiń tapsyrysyn oryndap, jańa oqý jyly qarsańynda tıisti 2 myńǵa jýyq kompıýterdi qurastyryp shyqty. Búgin tehnıkanyń alǵashqy partııasy Petropavl qalasynyń jáne Qyzyljar aýdanynyń mektepterine jiberildi.

«Bul – úlken istiń basy dep senemiz. Bizdiń kompıýterlerge oblystan ǵana emes, basqa óńirlerden de suranys bolady dep oılaımyn. Baǵasy arzan bolǵanymen, sapasy básekege tótep beredi», - deıdi «S.M.Kırov atyndaǵy zaýyt» AQ satý boıynsha departament dırektory Mádı Bektenov.

Mamannyń aıtýynsha, kompıýterlerge 3 jyl kepildik beriledi. Tolyq jaraqtandyrylǵan bir kompıýterdiń quny – 199 myń teńge. 2 myńǵa jýyq kompıýter kelisim boıynsha 5 qyrkúıekke deıin óńir mektepterine jetýi tıis.

«4 kún ishinde biz qajetti kompıýterlerdi aýdandyq bilim bólimderine jetkizemiz. Olar óz kezeginde ár mektepke tıisinshe bólip beredi. Synyp jetekshileri men mektep qyzmetkerleri ár úı, páterge baryp, bul tehnıkany qurýǵa kómektesedi. Múlik ýaqytsha beriledi. Іndetten keıin ol mektepterge qaıtarylýy kerek. Sol sebepti ata-analar kompıýterlerdi almas buryn ony tıisti jaǵdaıda qaıtarýǵa mindetteme alyp, qujatqa qol qoıady. Aldymen tabysy tómen, muqtaj jandarǵa beriledi», - deıdi SQO bilim basqarmasynyń basshysy Gúlmıra Kárimova.

SQO-da mektepterdiń 70 paıyzy qalypty rejımde jumys isteıdi. 140-tan astam mektep qashyqtan oqytpaq. Al Kırov zaýyty óńir mektepterine kompıýterlik tehnıkany jetkizgennen keıin kórshi oblystardyń tapsyrystarymen aınalyspaq. 15 qyrkúıekke deıin 40 myń noýtbýk óńirlerge jiberiledi.

Eske sala ketsek, Petropavlda otandyq ZiK kompıýteriniń óndirisi iske qosyldy. Qazirgi ýaqytta otandyq kompıýter shyǵaratyn jobany lokalızatsııalaý úlesi shamamen 30%.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT