Otandyq qalamgerlerdiń detektıv janryndaǵy shyǵarmalary kitap bolyp shyǵady
2022 jylǵy 15 tamyz 14:23

Otandyq qalamgerlerdiń detektıv janryndaǵy shyǵarmalary kitap bolyp shyǵady

NUR-SULTAN. QazAqparat – Otandyq qalamgerlerdiń detektıv janryndaǵy shyǵarmalary kitap bolyp shyǵady. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Ótken jyly Іshki ister mınıstrligi el tarıhynda tuńǵysh ret «Sert» detektıv shyǵarmalarynyń respýblıkalyq baıqaýyn ótkizgen bolatyn. Ádebı baıqaýdyń basty maqsaty – halyqtyń quqyqtyq mádenıetin, sonymen qatar qazaqstandyq patrıotızmdi arttyrý, qoǵam nazaryn polıtsııa men basqa da quqyq qorǵaý organdary qyzmetkerleriniń qıyn jáne qaýipti jumysyna aýdarý», - dedi ІІM ókili vedomstvonyń baspasóz qyzmeti alańynda ótken brıfıngte.

Onyń atap ótýinshe, Іshki ister mınıstrligi Qazaqstan polıtsııasynyń 30 jyldyq mereıtoıy aıasynda respýblıkalyq «Sert» baıqaýyn jarııalady. Baıqaýǵa qatysatyn shyǵarmalar osy jyldyń 15 qyrkúıegine deıin qabyldanady.

«Іshki ister mınıstrligi baıqaýǵa qatysýǵa shaqyrady. Jeńimpazdar Qazaqstannyń Táýelsizdik kúnine oraı jarııalanady. Al baıqaý qorytyndysy boıynsha detektıv janryndaǵy qazirgi zamanǵy otandyq jazýshylardyń shyǵarmalary jınaqtalǵan kitap basylady», - dedi Shuǵyla Turlybek.

Foto: images.pexels.com




Seriktester jańalyqtary

Jańalyqtar

Úrdis

MURAǴAT