+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Otandy súıý – eń uly sezim...

2020 jylǵy 10 naýryz 14:52
Bólisińiz:
Otandy súıý – eń uly sezim...

NUR-SULTAN. QazAqparat – «Týǵan jerge týyńdy tik!» - degen dana halqymyz. Bul – árbir adamnyń kindik qany tamǵan jerine erekshe súıispenshilikti bildiredi. Týǵan jeri men Otany bar azamat óz ultynyń tarıhyna, mádenıetine, salt-dástúrine arqa súıep qalyptasady. Elbasy Nursultan Nazarbaev óziniń «Bolashaqqa baǵdar: rýhanı jańǵyrý» atty maqalasynda «Týǵan jer» baǵdarlamasyn usynyp, jas urpaqtyń boıyna súıispenshilik, patrıottyq sezimdi qalyptastyrý kerektigin atap ótti.

Uqsas jańalyqtar
Elbasy Ábý-Dabıdiń taq muragerimen telefon arqyly sóılesti

Týǵan jerge súıispenshilik týǵan tarıhyńdy tereńnen bilýden bastalady. Elimizdiń árbir taýy men ózeni, saıy men qyry – tunyp turǵan tarıh. Oǵan saı sol ólkede halqyna pana bola bilgen, el esinde qalǵan birtýar perzentter bar. Al, olar jaıynda jas urpaqtyń bilgeni abzal. Sondyqtan, bilim berý salasynda ólkentaný jumystaryn júrgizip, tarıhı-mádenı eskertkishterdi qalpyna keltirý qajet. Tuńǵysh Prezıdentimizdiń usynǵan «Týǵan jer» baǵdarlamasynyń máni – osynda.

Osy baǵytta keń baıtaq Qazaqstannyń mektep oqýshylary osy baǵdarlama talaptaryna saı týrıstik saparǵa shyǵyp, týǵan ólkeniń tarıhy, flora jáne faýnasymen tanysyp jatyr. «Rýhanı jańǵyrý» baǵdarlamasy negizinde uıymdastyrylǵan úlken jobalar jazǵy lagerlerde tynyǵyp jatqan myńdaǵan oqýshylar úshin balalyq shaqtyń este saqtalar erekshe esteligi bolmaq. Taýlardan asyp, ózenderdi keship ótip, ulan-ǵaıyr týǵan ólkeniń erekshelikterin tamashalap uly Otanyńdy seziný keremet ǵanıbet ekeni anyq. Osyndaı saıahattarǵa shyqqan jasóspirimderdiń kózben kórip rýhanı alǵan iserlerinen bir mysal keltireıin. Bul ózimiz de kezinde bastan ótkergen, búgingi balalar da Otan taqyrybyna tebirene jazǵan sezim men júrek tebirenisi.

«Otan… Bul sóz — ár adamnyń janyna jaqyn, júregine jyly tıer sóz. Osy sózdiń astarynda qansha maǵyna jatyr deseńizshi? Otan – bul biz turyp jatqan jer. Otan degen – seniń týyp ósken, kindik qanyń tamǵan jer, ata – anań, dosyń. Otan - bul bizdiń ata-ájemiz, áke-sheshemiz, týystarymyz. Árbir janǵa óziniń otbasy, týǵan-týystary, joldastary ystyq bolsa, «Otan» da adam balasyna solaı da ystyq. «Otan» dese adamnyń júregi ezilip, onan alar orny tym erek bolady. Men úshin Otan – qundylyqtardy, materıaldy tasymaldaýshy emes. Bul — jan sezimi! Seniń árqashan oımen bolsa da oralǵyń keletin jerdiń rýhanı buryshy. Men onyń sheksiz bolǵanyn, meniń kishkentaı jáne úlken Otanym tatýlyqta bolǵanyn qalaımyn. Men árqashan da Qazaqstanda turatyn adamdarǵa janymnyń jylýyn, júregimniń otyn syılaýǵa daıynmyn. Men óz Qazaqstanymdy qalaı jaqsy kórmeımin? Men óz Otanymdy qalaı maqtan tutpaıyn? Ol meni óz qushaǵyna alady, árdaıym jylýlyq syılaıdy. «Otan úshin otqa tús – kúımeısiń» – degen maqal bar. Otan – bul meniń Qazaqstan Respýblıkam, meniń júregim.»

Rasynda da Otanyna degen sezim – ár azamat úshin eń mańyzdy sezim. Ony Otan taqyrybyna jazylǵan mektep oqýshylarynyń osyndaı alýan shyǵarmalary, óleńderi men sýretteri arqyly sezinýge bolady. Meniń Otanym – Qazaqstan. Otan degenimiz — týyp ósken jeriń. Qus uıasyz bolmaıtyndaı, adam Otansyz bolmaıdy. Al meniń Otanym — sonaý Kaspııden Altaıǵa deıin sozylyp jatqan qasıetti ólke — Qazaqstan. Qazaqstan degende kóz aldyma shalqyǵan jaılaý, tútini burqyraǵan aýyl, jazyq dala elestep, baqtaǵy bulbul qustyń úni men aıdyn kóldegi aqqý qustyń qıqýlaǵan daýsy qulaǵyma keledi. Qazaqstan — Qazaq halqynyń ata-baba mekeni, ejelgi qonysy. Bul jerde ata-babamyz týdy, turdy, ómir súrdi, onyń topyraǵynda ata-babamyzdyń kindigi kesilgen keń jazıra jeri. Otyny bar árbir qazaq osylaı maqtana alady. Maqtanyp júredi.

«Otan» degen sózdiń qudireti qandaı keremet! Elden jyraqta júrip Otanyń baryn seziný qandaı ǵanıbet deseńizshi…

Týǵan jer atamekenim altyn besigim. Atameken degen — týǵan til, ata salt-dástúr, elińniń tarıhy, baılyǵy, mektebiń, úıiń – bári-bári. Týǵan jer adam ómirinde kıeli oryn alady. Naqty osy jer ony ótkenimen jáne bolashaqpen baılanystyrady. Mine, sondyqtan da tipti balalyq shaqtan bastap-aq adamda Otanǵa degen mahabbat sezimi oıanady. Jer Ana, atameken, týǵan jer, aýylym degen uǵymdar bir-birimen tamyrlas, ári taǵdyrlas. Árbir adamzat balasynyń týǵan jeri bárinen de qymbat. Sebebi, kindik kesken jerinde ósip, sýyn iship, aýasymen tynystaıdy, tabıǵatymen bite qaınasyp adam bolyp qalyptasady.

Elbasy, Tuńǵysh Prezıdent Nursultan Nazarbaevtyń : «Qazaqstan – dúnıedegi ár qazaqtyń qasterli qubylasy! Qazaqstan – álemdegi barsha qazaqtyń qutty qarashańyraǵy! Qazaq balasy dúnıeniń qaı túkpirinde júrse de, tutas qazaq halqynyń bir bólshegi ekenin biz esh ýaqytta umytpaýymyz kerek» degen sózderi ár qazaqtyń esinde bolsa eken deımin.


Bizdiń kanalymyzǵa jazylyńyz:

Bólisińiz:

Avtor:

Mahat Sadyq

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT