Otandastarymdy Táýelsizdik tarıhy týraly aıtar sózderine yqtııatty bolýǵa shaqyramyn - Toqaev
2022 jylǵy 23 maýsym 16:07

Otandastarymdy Táýelsizdik tarıhy týraly aıtar sózderine yqtııatty bolýǵa shaqyramyn - Toqaev

NUR-SULTAN. QazAqparat – Qazaqstan Prezıdenti Qasym-Jomart Toqaev Qazaqstan polıtsııasynyń 30 jyldyǵyna arnalǵan saltanatty jıynda táýelsizdik tarıhyn joqqa shyǵaryp, pikir aıtatyn otandastaryna úndeý tastady, dep habarlaıdy QazAqparat tilshisi.

«Óte turaqsyz, údemeli damyp jatqan álemde zań men ádep normalaryn bıik ustaǵan el ǵana qýatty, egemendi ult mártebesin saqtap qala alady. Búginde qoǵamda bizdiń keshegi ótkenimizge qatysty kesip aıtyp, baǵa berý bar. Biraq bizdiń Táýelsizdik dáýiriniń aıtarlyqtaı jetistikterin syzyp tastaýǵa haqymyz joq. Óz tarıhyn, kóshbasshylaryn joqqa shyǵarǵan halyqtyń keleshegi de bolmaıtynyn umytpaý mańyzdy. Sondyqtan otandastarymyzdy aıtar sózderine yqtııatty ári obektıvti bolýǵa shaqyramyn», - dedi Prezıdent.

Memleket basshysy Jańa Qazaqstan quqyq talaptaryn qatań saqtaǵanda ǵana qurylýy múmkin ekenin eske saldy.

«Adamdardyń ádildikke, memlekettiń tıimdiligine senýi kóp jaǵdaıda quqyq qorǵaý organdary qyzmetkerleriniń kásibıligi men tıimdi jumysyna baılanysty...

Ókinishke qaraı, quqyq qorǵaý organdaryna degen el senimi sonshalyqty joǵary emes. Polıtsııa tarapynan jiberilgen jekelegen ádiletsiz, nemquraıdy jaǵdaılar, tipti keıde kezdesetin Іshki ister mınıstrliginiń qyzmetine kóleńke túsiredi», - dedi Qasym-Jomart Toqaev.

Aıta keteıik, búgin Memleket basshysy Qasym-Jomart Toqaev Qazaqstan polıtsııasynyń 30 jyldyǵyna arnalǵan saltanatty jıynda sóz sóıledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT