+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Osyny eskertemin: Prezıdent MÁMS júıesine qatysty naqty tapsyrma berdi

2020 jylǵy 24 qańtar 13:58
Bólisińiz:
Osyny eskertemin: Prezıdent MÁMS júıesine qatysty naqty tapsyrma berdi

NUR-SULTAN. QazAqparat – Memleket basshysy Qasym-Jomart Toqaev MÁMS júıesin engizýde birde-bir azamat medıtsınalyq qyzmet aıasynan tys qalmaý kerektigin qatań eskertti, dep habarlaıdy QazAqparat tilshisi.

«Medıtsınalyq qyzmetterge degen shaǵymdar áli de barshylyq. Sala jetkilikti deńgeıde qarjylandyrylmaı jatyr. Bul rette mindetti áleýmettik-medıtsınalyq áleýmettik saqtandyrýǵa zor úmit artylyp otyr. Meniń málimetimshe, oblystarda ony engizý men túsindirý jumystary sapasyz júrgizilgen. Buǵan qatysty ne aıtar edińiz?» - degen Prezıdent Densaýlyq saqtaý mınıstri Eljan Birtanovty ornynan turǵyzdy.

Mınıstr óz kezeginde túsindirý jumystary qazirgi tańda belsendi túrde júrgizilip jatqanyn jetkizdi.

«1 sáýirge deıin túsindirý jumystaryn nyǵaıtý úshin medıtsınalyq qyzmet barlyǵy úshin jańa sıpatta kórsetile bastaıdy. Jalpy, qazirgi tańda MÁMS qorynda 1 trln 315 mlrd teńge bar», - dedi ol.

Mınıstrdiń sózin tyńdaǵannan keıin Memleket basshysy bul másele boıynsha Birtanovpen jeke sóılesetinin aıtyp ótti.

«Bul júıeni júzege asyrý barysynda birde-bir adam memlekettik organdardyń kemshiliginen tıisti medıtsınalyq qyzmetti ala almaı qalýy kerek. Osyny eskertemin. Adamnyń saqtandyrý mártebesin anyqtaý barysynda kez kelgen kelispeýshilik patsıenttiń paıdasy úshin sheshilýi kerek», - dedi Prezıdent.

Sonymen qatar, Memleket basshysy Parlamentte «Halyq densaýlyǵy týraly» kodekstiń qaralyp jatqanyn eske saldy.

«Ol qujat bizdiń qoǵamda birshama talqy týǵyzdy. Sol sebepti, atalmysh qujat ashyq túrde talqylanyp, Búkilálemdik densaýlyq saqtaý uıymynyń usynystaryn eskerýi tıis», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT