Osy jyldyń sońynda tsıfrlyq teńgeniń platformasy synaqtan ótkizilmek
2022 jylǵy 1 shilde 14:46

Osy jyldyń sońynda tsıfrlyq teńgeniń platformasy synaqtan ótkizilmek

NUR-SULTAN. QazAqparat – «Tsıfrlyq teńge» jobasynyń konsýltatıvtik keńesi quryldy. Bul týraly QazAqparat Ulttyq bankke silteme jasap habarlaıdy.

Qazaqstan Ulttyq banki men Tólem jáne qarjylyq tehnologııalardy damytý ortalyǵy «Tsıfrlyq teńgeni engizý boıynsha sheshim qabyldaý modeli» baıandamasyn jarııalady.

Osy model boıynsha alynǵan zertteý nátıjeleriniń negizinde 2022 jyldyń sońyna deıin Qazaqstanda Ortalyq banktiń tsıfrlyq valıýtasyn engizý týraly qorytyndy sheshim ázirlenedi.

«Tsıfrlyq teńgeni iske qosý týraly sheshim qabyldaýdaǵy basymdyq tólem qyzmetterin tutynýshylar úshin aıqyn nátıje bolady.Taldaý quraldary retinde tehnologııalyq eksperımentter, ekonomıkalyq modeldeý, múddeli taraptarmen dızaın-sessııalar qarastyrylǵan. 2022 jyldyń 4-toqsanynda naryqqa qatysýshylarmen jáne tutynýshylarmen Tsıfrlyq teńgeniń tehnologııalyq platformasyn ótpeli testileý josparlanǵan. Zertteý nátıjelerin obektıvti túsindirý maqsatynda táýelsiz halyqaralyq sarapshylar men halyqaralyq qarjy uıymdary qyzmetkerleriniń qatysýymen «Tsıfrlyq teńge» jobasynyń konsýltatıvtik keńesi quryldy. Qarjy naryǵynyń qatysýshylarymen tsıfrlyq teńgeniń ekojúıesin qurý da jobany damytýdaǵy tabystylyqtyń mańyzdy faktory bolyp tabylady. Osy maqsattar úshin kollaboratıvti alań – Digital Tenge Hub quryldy. Oǵan naryq qatysýshylary, ınfraqurylymdyq oıynshylar, halyqaralyq seriktester qatysady», - delingen bank habarlamasynda.

Tsıfrlyq teńgeni engizý, onyń ishinde oflaın tóleý múmkindigi arqyly tólem men qarjylyq qyzmetterdiń qoljetimdiligin arttyrady.


Uqsas jańalyqtar

Jańalyqtar

Úrdis

MURAǴAT