Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.82 EUR 428.67
RUB 5.86 CNY 54.95
Jańalyqtar

Óskemenniń 300 jyldyǵy toılana ma – mınıstrlik jaýaby

2019 jylǵy 17 shilde 10:02 429
Bólisińiz:
Óskemenniń 300 jyldyǵy toılana ma – mınıstrlik jaýaby

NUR-SULTAN. QazAqparat – Shyǵys Qazaqstan oblysy ákimdigi tarapynan Óskemen qalasynyń mereıtoıyn atap ótý jóninde usynys túsken joq. QazAqparattyń resmı saýalyna QR Mádenıet jáne sport mınıstrligi osylaı jaýap berdi.

Shyǵys Qazaqstanda Óskemen qalasynyń tarıhy týraly turǵyndar pikiri ekige jarylyp, baspasóz betinde aıtys-tartys júrip jatyr. Bir top 18-ǵasyrda salynǵan otarlaý bekinisin alǵa tartyp, Óskemenge 300 jyl boldy dese, ekinshi top arheologııalyq zertteýlerdi negizge ala otyryp, qalanyń tarıhyn 1000 jylmen ólshep otyr.

QR Mádenıet jáne sport mınıstrligi Til saıasaty komıteti basshysynyń orynbasary Maırash Saǵymbaevanyń aıtýynsha, eldi mekenderdiń mereıtoıyn atap ótýdiń óz reglamenti bar.

«Qazaqstan Respýblıkasyndaǵy mereıtoılar men ataýly kúnderdi merekeleý QR Úkimetiniń 1999 jylǵy 28 qyrkúıektegi № 1465 Qaýlysyna sáıkes júzege asyrylady. Atalǵan Qaýlyǵa sáıkes oblystardyń, qalalardyń, mereıtoılary júz jyldyǵynda jáne odan ári árbir 25 jylda atalyp ótiledi», - deıdi ol.

Komıtet ókili elimiz boıynsha atalyp ótetin mereıtoılar men ataýly kúnderdiń tizbesin jergilikti atqarýshy ákimdik usynystary negizinde bekitiletinin aıtady.

«Osy rette búginge deıin Shyǵys Qazaqstan oblysy ákimdigi tarapynan Óskemen qalasynyń mereıtoıyn atap ótý jóninde usynys túspegenin jetkizemiz. Al Óskemen qalasynyń tarıhı jasyn anyqtaý máselesi belgilengen tártipke sáıkes, eń aldymen ǵylymı qaýymdastyqtyń talqylaýyna shyǵarylýy tıis. ıAǵnı ,QR Bilim jáne ǵylym mınıstrligine baǵynysty jetekshi ǵylymı-zertteý ınstıtýttary men oqý oryndarynyń ǵalymdaryna usynylýy qajet. Osydan keıin ǵana, ony atap ótý boıynsha tıisti sheshim qabyldanýy kerek degen pikirdemiz», - deıdi Maırash Saǵymbaeva.

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT