Óskemendegi qoǵamdyq kólikte aqy tóleýdiń saralanǵan tarıfi engizildi
2022 jylǵy 3 shilde 16:14

Óskemendegi qoǵamdyq kólikte aqy tóleýdiń saralanǵan tarıfi engizildi

ÓSKEMEN. QazAqparat – Óskemen qalasyndaǵy avtobýstarda kólik kartasy joq jolaýshylar endi 130 teńge tóleıdi, dep habarlaıdy QazAqparat tilshisi.

Qalalyq Jolaýshylar tasymalyn basqarý ortalyǵynyń málimetine súıensek, 2 shildeden bastap qoǵamdyq kólikterde jol júrý aqysynyń saralanǵan tarıfi engizildi.

«Endi kólik kartasy joq jolaýshylar 90 teńge emes, 130 teńge tóleýi tıis. 7-den 15 jasqa deıingi balalar úshin bılet baǵasy qolma-qol aqshamen 65 teńgeni quraıdy. Al kólik kartasymen, mobıldi qosymshalardaǵy QR-kod arqyly tóleıtin azamattarǵa jolaqy quny - 90 teńge, balalarǵa - 45 teńge. Kólik kartasymen tólem jasaý kezinde jeńildik sanatyna jatatyn turǵyndar úshin jol júrý sharttary ózgerissiz qalady», - delingen aqparatta.

Aıta keteıik, qala boıynsha kólik kartalaryn 50 saýda núktesinen satyp alýǵa bolady.



Uqsas jańalyqtar

Jańalyqtar

Úrdis

MURAǴAT