Óskemende jeńil kólik pen «jedel járdem» soqtyǵysyp, 5 adam zardap shekti
2022 jylǵy 29 mamyr 13:24

Óskemende jeńil kólik pen «jedel járdem» soqtyǵysyp, 5 adam zardap shekti

ÓSKEMEN. QazAqparat – Óskemen qalasynda jeńil kólik pen «jedel járdem» soqtyǵysyp, 5 adam zardap shekti, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol apaty 28 mamyrda saǵat 14:20 shamasynda tirkeldi. TOYOTA kóligin tizgindep kele jatqan 40 jastaǵy er adam jyldamdyqty ruqsat etilgen shekten asyryp, aldynda kele jatqan avtokólikti basyp ozbaq bolǵan.

«Sonyń saldarynan qarsy baǵytta kele jatqan jedel járdem kóligimen soqtyǵysty. Jeńil kóliktegi bes adam, onyń ishinde eki bala túrli dárejedegi dene jaraqattaryn aldy», - dep habarlady vedomstvo ókilderi.

Qazirgi ýaqytta jol-kólik oqıǵasyna oraı sot-medıtsınalyq saraptama taǵaıyndaldy. Sonyń qorytyndysy boıynsha protsessýaldyq sheshim qabyldanady.

Esterińizge sala ketsek, osyǵan deıin Óskemende 30-ǵa jýyq avtovolonter muqtaj jandardy tegin tasymaldap júrgenin habarlaǵan edik.


Uqsas jańalyqtar

Jańalyqtar

MURAǴAT