+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Óskemende tórt qabatty Tennıs ortalyǵy salynyp jatyr

2021 jylǵy 2 tamyz 23:10
Bólisińiz:
Óskemende tórt qabatty Tennıs ortalyǵy salynyp jatyr

ÓSKEMEN. QazAqparat - Shyǵys Qazaqstan oblysynyń ákimi Danıal Ahmetov Óskemendegi áleýmettik-ınfraqurylymdyq nysandardyń qurylysyn tekserdi, dep habarlaıdy QazAqparat tilshisi.

Uqsas jańalyqtar
Tennıs: Jibek Qulambaeva men Tımofeı Skatov Qazaqstannyń absolıýtti chempıondary atandy Tennıs: ıÝlııa Pýtıntseva Slovenııadaǵy jarystyń jartylaı fınalyna shyqty Bokstan ÁCh-2021: júldeger  qazaqstandyqtardy rekordtyq aqshalaı syıaqy kútip tur

Búgin Danıal Ahmetov Óskemendegi birneshe qurylys alańyn aralady. Atap aıtqanda, álemdik standartqa saı boı kóterip jatqan tórt qabatty Tennıs ortalyǵynyń qurylysymen tanysty.

Oblys ákiminiń aıtýynsha, elimizde dál mundaı Tennıs ortalyǵy buǵan deıin salynbaǵan. Onda negizgi zaldan bólek jattyǵý orny, qonaqtarǵa arnalǵan jaıly demalys aımaǵy men dene shynyqtyrý dıspanseri bolady.

«Qazir ishindegi bólmeler men jabdyqtardyń qalaı ornalasatynyn naqtylaý kerek. Bul – óte mańyzdy. Sol úshin biz jobalyq jumystarǵa jattyqtyrýshylardy tarttyq. Olardyń qatarynda daryndy sportshylardyń birneshe býynyn tárbıelegen Sergeı Lıtvınov bar», - dedi oblys ákimi.

Sodan keıin ol qaraǵandylyq kompanııa salyp jatqan «Satti Citý» turǵyn úı keshenine bardy. Danıal Ahmetov jalpy keshendegi qurylys protsesine kóńili tolmaıtynyn aıtty.

«Ókinishke qaraı, Óskemendegi basqa da kóptegen qurylys alańdarynda óndiris mádenıeti joq. Shashylǵan qoqys, tehnıkalyq qaýipsizdik pen basqa da qurylys júrgizý talaptary saqtalmaıdy. Jumysshylarǵa da jaǵdaı jasalmaǵan», - dedi ákim.

Aımaq basshysy osy rette biregeı Gematologııa ortalyǵyn úlgi etti. Ony salǵanda bárine yńǵaıly ári qaýipsiz bolý úshin tıisti jaǵdaılar jasalǵan.

«Men qurylys kompanııalaryna alańdardy on kún ishinde retke keltirýdi tapsyrdym. Sol ýaqyttan keıin ár nysandy qaıta tekseremin», - dedi Danıal Ahmetov.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT