Óskemende saqtandyrý qorynyń 28 pavılonynda qant kelisi 449 teńgeden satylyp jatyr
2022 jylǵy 22 maýsym 02:03

Óskemende saqtandyrý qorynyń 28 pavılonynda qant kelisi 449 teńgeden satylyp jatyr

ÓSKEMEN. QazAqparat – Óskemen qalasyndaǵy saqtandyrý qorynyń 28 pavılonynda qant kelisi 449 teńgeden satylyp jatyr, dep habarlaıdy QazAqparat tilshisi.

Sońǵy ýaqytta áleýmettik jelilerde Óskemende qant tapshylyǵy týyndaǵany jaıly aqparat tarap ketti.

«Ertis» áleýmettik-kásipkerlik korporatsııasynyń málimetinshe, búginde saqtandyrý qorynyń pavılondarynda qant bar.

«Eki myń tonnadan astam qant satyp alynǵan. Shildeniń ortasyna deıin apta saıyn bir vagon qant jetkiziledi. Sodan keıin eki vagonnan keledi. Jalpy qoımalarda 68 tonna qor bar. Jalpy Shyǵys Qazaqstan oblysynda qant tapshylyǵy týyndamaıdy», - dedi «Ertis» ÁKK» AQ basqarma tóraıymy Tamara Rahymjanova.

Onyń aıtýynsha, turaqtandyrý qorynyń pavılondarynda qant aptasyna 5 tonnaǵa deıin satylady. Ár adamǵa tek 1-2 keli qant beriledi.

Qordyń 28 pavılonynda qant kelisi 449 teńgeden satylýda.


Jańalyqtar

Úrdis

MURAǴAT