Óskemende probatsııa qyzmetkerlerinen jasyrynǵan er adam túrmege qamaldy
2022 jylǵy 20 mamyr 09:01

Óskemende probatsııa qyzmetkerlerinen jasyrynǵan er adam túrmege qamaldy

ÓSKEMEN. QazAqparat – Óskemen qalasynda probatsııa qyzmetkerlerinen jasyrynǵan er adam túrmege qamaldy, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetinshe, óńir aýmaǵynda probatsııalyq esepte turǵandardy tekserý maqsatynda profılaktıkalyq shara ótip jatyr. Sonyń aıasynda probatsııa qyzmetiniń mamandary jazadan jaltarǵan adamdy qolǵa túsirdi.

«Bul sottalǵan azamat buryn da bas bostandyǵyn shekteý túrindegi jazany óteý tártibin birneshe ret buzǵan. Osyǵan baılanysty onyń aıaǵyna elektrondy bilezik taǵylyp, qadaǵalaý jasaldy. Soǵan qaramastan er adam talapqa baǵynbady», - dedi departamenttiń Sol jaǵalaý aýdandyq probatsııa qyzmetiniń aǵa ınspektory Gúljan Tátkenova.

Elektrondy bileziktiń kómegimen ustalǵan ol sot protsesine jetkizildi. Sot sheshimimen onyń bas bostandyǵyn shekteý túrindegi jazasy bas bostandyǵynan aıyrýǵa aýystyryldy. Endi er adam 7 aı túrmede otyrady.

Esterińizge sala ketsek, osyǵan deıin ShQO-da elik atqan brakoner sottalǵanyn habarlaǵan edik.


Jańalyqtar

MURAǴAT