Jańalyqtar  >

Óskemende kópqabatty úıdiń jertólesinen órt shyǵyp, 53 adam evakýatsııalandy

2022 jylǵy 1 qazan, 11:56
Óskemende kópqabatty úıdiń jertólesinen órt shyǵyp, 53 adam evakýatsııalandy

ÓSKEMEN. QazAqparat – Óskemen qalasynda kópqabatty úıdiń jertólesinen órt shyǵyp, 53 adam, onyń ishinde 15 bala evakýatsııalandy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qaladaǵy Nazarbaev dańǵylynda ornalasqan 4 qabatty turǵyn úıdiń jertólesindegi elektr qalqanynda órt shyqqan.

«Oqıǵa ornyna órt sóndirýshiler shuǵyl kelip jetti. Olar úıdiń 53 turǵynyn, onyń ishinde 15 balany jedel evakýatsııalap, «Vahta» jyly avtokóligine ornalastyrdy. Kóp uzamaı 2 sharshy metr aýmaqtaǵy qyzyl jalyn aýyzdyqtaldy. Arnaıy qurylǵy - tútin sorǵyshtyń kómegimen jertóleden tútin sorylyp, shyǵaryldy», - delingen aqparatta.

Barlyǵy jeke quramnan 19 adam men 7 tehnıka jumyldyrylǵan. Zardap shekken eshkim bolǵan joq. Órttiń shyǵý sebebi anyqtalyp jatyr.


Uqsas jańalyqtar
Seriktester jańalyqtary

Jańalyqtar