Óskemende qatty jelden eki balanyń ústine aıaldama qulady
2022 jylǵy 28 maýsym 12:29

Óskemende qatty jelden eki balanyń ústine aıaldama qulady

ÓSKEMEN. QazAqparat – Óskemen qalasynda qatty jelden eki balanyń ústine aıaldama pavılony qulady, dep habarlaıdy QazAqparat tilshisi.

Qalalyq Turǵyn úı-kommýnalyq sharýashylyǵy, jolaýshylar kóligi jáne avtomobıl joldary bóliminiń málimetinshe, 27 maýsymda qatty jeldiń saldarynan shahar boıynsha kommýnıkatsııa symdary úzilip, aǵashtar qulady. Trotýarlar men qala kóshelerin aǵashtar, úlken butaqtar jaýyp qaldy.

Sondaı-aq jelden tramvaılar 3 baǵytta ýaqytsha qatynamady. Gagarın býlvary jáne Ótepov kóshelerindegi aıaldama pavılondary qulap, 10 jáne 12 jastaǵy eki qyz zardap shekti. Qazirgi ýaqytta olar qalalyq aýrýhanaǵa jatqyzylǵan. Dárigerler qajetti medıtsınalyq kómek kórsetýde.

«Barlyq jerge «Taza Óskemen» kásipornynyń mamandary attandy. 10 brıgada arnaıy tehnıkalarmen joldardy, kóshelerdi tazartty. Gagarın býlvary aıaldamasynyń pavılony «QazÁlem» atty merdiger kompanııanyń kepildiginde. Ótepov aıaldamasyna «Taza Óskemen» mekemesi qyzmet kórsetedi. Osy eki jaǵdaı boıynsha jaýapty uıymdardyń kinási bar-joqtyǵyn anyqtaý úshin ishki aýdıt júrgiziledi», - delingen aqparatta.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT