Óskemende azyq-túlik baǵasyna baqylaý kúsheıtildi
2022 jylǵy 18 qańtar 15:50

Óskemende azyq-túlik baǵasyna baqylaý kúsheıtildi

ÓSKEMEN. QazAqparat – Óskemen qalasynda azyq-túlik baǵasyna baqylaý kúsheıtildi, dep habarlaıdy QazAqparat tilshisi.

Qalalyq kásipkerlik bóliminiń málimetine súıensek, Óskemende azyq-túlik baǵasyna apta saıyn monıtorıng júrgizilýde. Áleýmettik mańyzy bar azyq-túlik sanatyna jemis-jıdek pen kókónisti qosqanda 19 túrli ónim kiredi.

«Tótenshe jaǵdaı kezinde azyq-túlik baǵasy kóterilmegen. Barlyq áleýmettik mańyzy bar taýarlar qoljetimdi, eshqandaı tapshylyq joq. Baǵany baqylaý jumystary aldaǵy ýaqytta da úzdiksiz júrgiziledi», - dedi bólim basshysy Ǵasan Turǵanbaev.

Onyń aıtýynsha, bıyl shahar boıynsha turaqtandyrý qorynyń pýnkteri kóbeıtilmek.

«Qazirgi ýaqytta osyndaı 16 pýnkt bar. Qańtar aıynyń sońyna deıin taǵy birneshe pýnkt paıdalanýǵa beriledi. Al jalpy jyl aıaǵyna deıin turaqtandyrý qory nysandarynyń jalpy sanyn 50-ge jetkizý josparlanyp otyr», - dedi Ǵ.Turǵanbaev.


Jańalyqtar

MURAǴAT