Jańalyqtar  >
Óskemende aýtızmge shaldyqqan bala túnde úıden shyǵyp ketip, joǵalyp ketti
2022 jylǵy 15 tamyz 00:19

Óskemende aýtızmge shaldyqqan bala túnde úıden shyǵyp ketip, joǵalyp ketti

ÓSKEMEN. QazAqparat – Óskemen qalasynda aýtızmge shaldyqqan bala túnde úıden shyǵyp ketip, joǵalyp ketti, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna habarlasqan azamat 14 tamyzda túngi saǵat 02:30 shamasynda úıden belgisiz baǵytta shyǵyp ketken balasynyń tabylmaı jatqanyn aıtty. 12 jastaǵy Temirlan Ahmedjanov aýtızmmen aýyrady.

«Polıtsııa qyzmetkerleri dereý jedel-izdestirý jumystaryna kiristi. Sonymen qatar izdeýge qutqarýshylar, kınologtar, QR Ulttyq Ulany sarbazdary men volonterler jumyldyrylǵan. Qazirgi ýaqytta olar úıler men aýlalardy aralap tekserýde. Kvadrokoptermen de izdeý jumysy júrip jatyr» delingen aqparatta.

Balanyń ústinde kók jempir, kamýflıajdy shalbar, jasyl tápshike bolǵan. Tártip saqshylary onyń qaıda ekeni jaıly qandaı da bir aqparat biletinderge polıtsııaǵa habar berýin suraıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT