+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Óskemende 2022 jyly Gematologııa ortalyǵy ashylady

2021 jylǵy 4 naýryz 03:50
Bólisińiz:
Óskemende 2022 jyly Gematologııa ortalyǵy ashylady

ÓSKEMEN. QazAqparat – 2022 jyly Óskemen qalasynda elimizdegi tuńǵysh Gematologııa ortalyǵy jumysyn bastaıdy, dep habarlaıdy QazAqparat tilshisi.

Uqsas jańalyqtar

Bul jaıly aımaq basshysy Danıal Ahmetov Facebook jelisindegi jeke paraqshasynda jazdy.

«Shyǵys Qazaqstan oblysynyń Densaýlyq saqtaý júıesiniń tıimdiligin arttyrýdyń 2021-2025 jyldarǵa arnalǵan keshendi baǵdarlamasyn qaradym. Aldaǵy bes jylda bul saladaǵy jumys tórt negizgi basym baǵyt boıynsha júzege asyrylady. Birinshi eń mańyzdy bólim – ana men balany qorǵaý. Búginde barlyq aýyldyq uıymdar birinshi deńgeıge aýysyp, burynǵy jáne qazirgi aýdan ortalyqtarynyń 19 medıtsınalyq mekemesi ekinshi deńgeıge ótedi. Atalǵan jobany iske asyrý úshin 5,1 mlrd teńgege medıtsınalyq jabdyqtar satyp alý josparlanyp otyr», - dedi ol.

Oblys boıynsha áıelderdiń tek 40% jergilikti jerde, qalǵandary Semeı men Óskemende bosanady. Glýbokoe aýdanynda bul kórsetkish – 15%, Kúrshimde – 29%, Tarbaǵataıda – 38%, Qaraýylda – 24%, Úlken Narynda – 20%, Besqaraǵaıda – 12%, Serebrıanskide – 10%, Kýrchatovta – 8%. Al Úrjar men Maqanshy aýyldarynda áıelderdiń 76% óz aýrýhanalarynda bosanady.

«Bul baǵdarlamany iske asyrý nátıjesinde áıelderdiń 75% óz aýyldarynda sábılerin dúnıege ákeledi. Keshendi jumystyń arqasynda bizdiń oblysymyz sábı ólimi kórsetkishiniń tómendeýine qol jetkizdi. Bıyldyń ekinshi toqsanynan bastap ana men bala densaýlyǵy salasyndaǵy medıtsına qyzmetkerlerin úsh deńgeıli baǵdarlama boıynsha oqytý jalǵasady. Jalpy úsh jyl ishinde 1970 maman qaıta daıarlaýdan ótti. Óskemendegi Ana men bala ortalyǵynda jáne Semeıdegi perınataldy ortalyqta shala týǵan nemese erte neonataldyq kezeńde qıyn jaǵdaıǵa tap bolǵan balalarǵa joǵary bilikti mamandandyrylǵan kómek kórsetý úshin katamnez kabınetteri ashyldy», - dedi Danıal Ahmetov.


Onyń aıtýynsha, 2022 jyly Óskemende elimizdegi jalǵyz Gematologııa ortalyǵy ashylady. Osylaısha, naýqastardy dıagnostıkalaý jáne emdeý úshin biryńǵaı kópbeıindi ortalyq qurylmaq.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT