Óskemende «100 kúnniń ishinde 10 myń shuńqyr» chellendji bastalmaq

2022 jylǵy 9 jeltoqsan, 11:09
Óskemende «100 kúnniń ishinde 10 myń shuńqyr» chellendji bastalmaq

ÓSKEMEN. QazAqparat – Óskemen qalasynda «100 kúnniń ishinde 10 myń shuńqyr» chellendji bastalady, dep habarlaıdy QazAqparat tilshisi.

Kelesi jyldyń kókteminde bastalatyn chellendj týraly qala ákimi Jaqsylyq Omar Instagram jelisindegi paraqshasynda málim etti.

«Jyl basynan 36 kósheniń joly tolyqtaı jóndeýden ótti. 4 jyl buryn ortalyq kóshelerdegi shuńqyrlardy biteý ádisinen bas tartyp, joldardy túbegeıli jasap kelemiz. Halyq arasynda «ákim ózi júretin joldardy ǵana jóndeıdi» degen qate pikir bar. Qaı kósheniń jóndeletinin komıssııa sheshedi», - dedi qala basshysy.

Óz sózinde ákim ortalyq kósheler men dańǵyldardyń ne sebepti birinshi kezekte jóndeletinin túsindirdi.

«Sebebi bul joldarda avtobýstar men kólikter kóp júredi. Aldaǵy ýaqytta osy komıssııa jumysyn áleýmettik jelide jarııalap otyramyz. Kelesi jyly komıssııa sheshimi shyqqan soń «Keptelissiz qala» jobasy aıasynda joldardy jóndep, ınfraqurylymdyq jobalardy iske asyrýdy jalǵastyramyz», - dedi Jaqsylyq Omar.

Onyń aıtýynsha, taǵy bir ózekti másele – kóktemdegi jol shuńqyrlary. Bul qalanyń qatań klımatynyń áserinen bolatyn túıitkil.

«Sondyqtan kelesi jyldyń kókteminde «100 kúnniń ishinde 10 myń shuńqyr» chellendjin qolǵa alamyz. Shahar tirshiligine beı-jaı qaramaıtyn azamattardan kóshelerindegi shuńqyrlardy fotoǵa túsirip, mekenjaıyn Telegram jelisindegi kanalǵa jiberýdi suraımyz. Bizdiń kommýnaldyq qyzmetter olqylyqty birden túzetetin bolady», - dedi qala basshysy.

Aıta keteıik, búginde Óskemendegi 124 myń otbasynda 226 myń kólik bar.


Uqsas jańalyqtar
Tegı:
Seriktester jańalyqtary

Jańalyqtar