Óskemen túrmelerinde aǵashtan buıym jasaıtyn óndiris oryndary ashyldy
2022 jylǵy 28 mamyr 14:05

Óskemen túrmelerinde aǵashtan buıym jasaıtyn óndiris oryndary ashyldy

ÓSKEMEN. QazAqparat – Óskemen qalasyndaǵy túrmelerde aǵashtan buıym jasaıtyn óndiris oryndary ashyldy, dep habarlaıdy QazAqparat tilshisi

ShQO boıynsha Qylmystyq-atqarý júıesi departamenti baspasóz qyzmetiniń málimetine súıensek, óńirdegi túzetý mekemelerinde birneshe jyl kóleminde Qazaqstan naryǵyna baǵyttalǵan ónimderdi shyǵarý jolǵa qoıylyp keledi. Osynyń nátıjesinde, sottalǵandardy jumyspen qamtamasyz etý kórsetkishi de jaqsarýda.

Máselen, Óskemen qalasyndaǵy OV 156/2 kolonııasynda 10-nan astam jeke kásipker óz isterin ilgeriletip otyr. Kásip ıeleri negizinen aǵashtan buıym jasaýmen aınalysyp, sottalǵandarǵa aı saıyn jalaqy tólep keledi.

«Kúndelikti aǵash óńdeýmen aınalysý jáne ártúrli úı sharýashylyǵynyń buıymdaryn jasaý kezinde, kópshiligi ýaqytyly joıýdy qajet etetin qaldyqtardy qaıda tastaryn bilmeı dal bolady. Kásipker Áset Manapov aǵash qaldyqtaryn naqty paıda kózine aınaldyrýdyń tásilin oılap tapqan. Ol arbolıttik bloktar men nyǵyzdalǵan brıketter óndirisin qolǵa aldy. Arbolıttik bloktar – bul negizi aǵash, tsement qaldyqtary men sýdyń qospasynan daıyndalǵan ónim túri. Barlyq aǵash qaldyqtary men qoqymdardy aýmaqtan tysqary shyǵaryp nemese joımaı-aq, jaı ǵana sýmen ılep aralastyryp, qajetti qalyptarǵa quıyp, keptirý úshin jaǵdaı jasaý qajet. Bundaı buıym qazirgi ýaqytta qurlysta keńinen qoldanylady. Óıtkeni ol ekologııalyq taza ónim», - delingen aqparatta.

Bıznes ókili aldaǵy ýaqytta óziniń kásibin keńeıtýdi josparlap jáne tek arbolıt bloktaryn óndirýmen shektelip qalmaı, sonymen qatar otyn retinde qoldanýǵa bolatyn brıketterdi de óndirýdi josparlaýda. Keıinnen olardy qala aýmaǵynda qoljetimdi baǵamen satýmen aınalyspaq. Bul óndiris úshinshi aıdan astam ýaqyt boıy óz jumysyn toqtaýsyz jalǵastyrýda.


Uqsas jańalyqtar

Jańalyqtar

MURAǴAT