Óskemen turǵynynan 50 mln teńge bopsalap alǵan er adam ustaldy
2022 jylǵy 26 maýsym 01:13

Óskemen turǵynynan 50 mln teńge bopsalap alǵan er adam ustaldy

ÓSKEMEN. QazAqparat – Óskemen qalasynyń turǵynynan eki jylda 50 mln teńge bopsalap alǵan er adam ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylaryna 2020 jyldyń mamyr aıynan bastap 2022 jyldyń sáýirine deıin 54 jastaǵy azamattan aqsha bopsalap kelgen er adam jaıly aqparat tústi. Kóp uzamaı qalanyń 49 jastaǵy turǵyny kúdikti retinde ustaldy.

«Belgili bolǵandaı, ol óziniń fızıkalyq kúshin paıdalanyp, jábirlenýshiden aqsha talap etken. Alǵash ret odan 150 myń teńge aldy. Sodan keıin qunyǵa túsip, somany kóbeıte bastaǵan. Bas tartqan jaǵdaıda uryp-soǵamyn dep qorqytqan. Jábirlenýshi óz atyna nesıe alýǵa, tipti anasynyń páterin satýdan túsken qarajattyń bir bóligin berýge májbúr boldy. Alaıda bopsalaýshy zańsyz áreketin sonda da toqtatqan joq. Kúdikti óziniń qurbanynan taǵy da 2 mln teńge almaqshy bolǵan jerinen ustaldy», - delingen aqparatta.

Jalpy alǵanda 2 jyl ishinde onyń qylmystyq áreketinen keltirilgen materıaldyq zalal 50 mln teńgeni qurady.

Qazirgi ýaqytta kúdiktige qatysty QR Qylmystyq kodeksiniń 194-baby 4-bóligi boıynsha sotqa deıingi tergeý amaldary júrgizilýde.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT