Óskemen turǵyny bankte kepilde turǵan úıin alamyn dep, alaıaqqa 2 mln teńgesin ustatty
2022 jylǵy 2 shilde 20:03

Óskemen turǵyny bankte kepilde turǵan úıin alamyn dep, alaıaqqa 2 mln teńgesin ustatty

ÓSKEMEN. QazAqparat – Óskemen qalasynyń turǵyny bankke kepilge salynǵan úıin alamyn dep, alaıaqqa 2 mln teńge berdi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, «102» jedel arnasyna 27 jastaǵy qala turǵyny júginip, alaıaqtyń qurbany bolǵanyn jetkizdi.

«Onyń aıtýynsha, tanysy bankke kepilge salynǵan úıin alyp bere alatyndyǵyna sendirgen. Jábirlenýshi múlikti odan ári satý maqsatynda oǵan 2 000 000 teńge beredi. Alaıda, aqsha qolyna tıisimen áıel adam habar-osharsyz ketken. Jedel-izdestirý sharalaryn júrgizgen tártip saqshylary kúdiktini ustady. Jaýap alý kezinde 32 jastaǵy jergilikti turǵyn óz kinásin moıyndady», - delingen aqparatta.

Qazirgi ýaqytta atalǵan fakti boıynsha QR QK-niń 190-baby 3-bóligine (alaıaqtyq) sáıkes sotqa deıingi tergeý amaldary júrgizilip jatyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT