Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

Óskemen turǵyndary sapasyz salynǵan úı úshin 300 mln teńge óndirip aldy

2022 jylǵy 23 maýsym 13:26

ÓSKEMEN. QazAqparat – Óskemen qalasynyń turǵyndary sapasyz salynǵan kópqabatty úı úshin merdigerden 300 mln teńge óndirip aldy, dep habarlaıdy QazAqparat tilshisi.

Qaladaǵy Baýyrjan Momyshuly kóshesinde ornalasqan kópqabatty úıdiń turǵyndary baspananyń sapasyz salynǵanyn aıtyp, dabyl qaǵyp kele jatqanyna bir jyldan asqan. Byltyr 21 sáýir kúni 9 qabatty úıdiń qabyrǵasyna qaptalǵan materıal buzylyp, túsip jatqandyǵy týraly vıdeo áleýmettik jelilerde qyzý talqylanǵan edi.

«Baspanaly boldyq» dep bórkimizdi aspanǵa atyp júrsek, qýanyshymyz uzaqqa sozylmady. Úıdiń sapasy syn kótermeıdi. Syrtyn qaptaǵan materıal keshe tústen keıin buzyldy. Bul degen sumdyq qoı! 2019 jyly paıdalanýǵa berilgen úı 2 jylǵa jetpeı osyndaı bolyp jatsa, aldaǵy ýaqytta ne kútýge bolady?! Sondyqtan úıdi salǵan kompanııany jazaǵa tartý kerek!» - degen bolatyn qala turǵyny Baqytbek Ámirenov QazAqparat tilshisine.

Qala ákimdiginiń málimetinshe, turǵyndardyń máselesi oń sheshimin tapty. Azamattar men «Qazaqstan turǵyn úı» kompanııasy arasynda sot bolǵan.

«Kommertsııalyq kompanııa úıdi óz bastamasymen salyp, paıdalanýǵa berdi. Qalalyq ákimdik úıdi qabyldaýǵa qatyspady. ıAǵnı, ákimdiktiń turǵyn úı sapasyn qamtamasyz etý boıynsha turǵyndar aldynda eshqandaı mindettemesi joq. Alaıda soǵan qaramastan ákimdik turǵyndarǵa tıisti kómekti birden usyndy. Jumystyń barlyq kezeńinen birge óttik, ol – jóndeý jumystaryna jobalyq-smetalyq qujattama jasaý, qurylys kompanııasymen sot isin júrgizý, menshik ıeleriniń birlestigin qurý jáne qarajatty aýdarý úshin arnaıy shottardy ashý», - deıdi shahar basshysy Jaqsylyq Omar.

Sot sheshimimen turǵyndar kompanııadan 300 mln teńge óndirip aldy. Azamattar jóndeý jumystaryn júrgizetin kompanııany tańdady. Qazirgi ýaqytta úıdi jóndeý jumystary bastalyp ta ketken.


Avtor:

Talǵatjan Muhametbekuly

Novostı po teme
Seriktester jańalyqtary