Óskemen men Semeıdegi HQO-larda qujattardy úıge jetkizý qyzmeti iske qosyldy
2022 jylǵy 27 qańtar 22:00

Óskemen men Semeıdegi HQO-larda qujattardy úıge jetkizý qyzmeti iske qosyldy

ÓSKEMEN. QazAqparat – Óskemen men Semeı qalalaryndaǵy HQO-larda qujattardy úıge jetkizý qyzmeti iske qosyldy, dep habarlaıdy QazAqparat tilshisi.

«Azamattarǵa arnalǵan úkimet» memlekettik korporatsııasy ShQO fılıaly baspasóz qyzmetiniń málimetine súıensek, endi Óskemen jáne Semeı qalalarynyń turǵyndary HQO-lardan daıyn qujattardy barmaı-aq ala alady. Kýrer qujattardy úıińizge nemese keńseńizge jetkizip beredi.

Azamattar jyljymaıtyn múlikke quqyqtardy memlekettik tirkeý boıynsha qujattarǵa, jer ýchaskelerine aktilerge, muraǵattyq anyqtamalarǵa, áskerı bılettiń telnusqasyna jáne basqa da daıyn qujattarǵa tapsyrys bere alady. Barlyǵy eki júzge jýyq memlekettik qyzmet túri boıynsha qujat alýǵa múmkindik bar.

«Tapsyrys berilgen qujat daıyn bolǵan sátte klıent jetkizý servısin paıdalaný usynysymen SMS-habarlama alady. Kelisken jaǵdaıda jeke silteme boıynsha ótip, jetkizý mekenjaıyn toltyrady. Odan keıin klıent qala sheginde jetkizý qunyn, ıaǵnı 970 teńge tóleýi qajet. Kýrer qujatty tapsyrys berilgen sátten bastap bir jumys kúni ishinde jetkizedi», - dedi fılıal dırektorynyń orynbasary Rýslan Kıbke.


Jańalyqtar

MURAǴAT