Óskemen men Semeıde bıyl 60 myń aǵash otyrǵyzylady
2022 jylǵy 25 mamyr 00:24

Óskemen men Semeıde bıyl 60 myń aǵash otyrǵyzylady

ÓSKEMEN. QazAqparat – Óskemen men Semeı qalalarynda bıyl 60 myń aǵash otyrǵyzylady, dep habarlaıdy QazAqparat tilshisi.

Shyǵys Qazaqstandaǵy qalalar men aýdandardy kógaldandyrý jumystary belsendi júrgizilmek. Bul jaıly oblys ákimdiginde ótken jınalys barysynda aıtyldy. Jalpy óńir boıynsha mıllıonǵa jýyq aǵash otyrǵyzylady dep kútilýde.

Bıyl Óskemen men Semeıde 30 myńnan, Rıdder men Altaı qalalarynda 15 myńnan kóshet otyrǵyzý josparlanyp otyr.

«Oblysty kógaldandyrý jumystaryna tek kommýnaldyq qyzmetter ǵana emes, turǵyndar da atsalysýy qajet. Kommýnaldyq qyzmetter tasjoldar boıyna, alańdar men saıabaqtarǵa, al jurtshylyq óz aýlalaryna aǵash eksin», - dedi ShQO ákimi Danıal Ahmetov.

Esterińizge sala ketsek, osyǵan deıin Shyǵys Qazaqstanda bıyl 7,5 myń túlek UBT tapsyratyndyǵyn habarlaǵan edik.

Jańalyqtar

MURAǴAT