Óskemen men Semeı kóshelerine 20 myńnan astam jaryqdıodty sham ornatylady

ÓSKEMEN. QazAqparat – Óskemen men Semeı kóshelerine 20 myńnan astam jaryqdıodty sham ornatylmaq, dep habarlaıdy QazAqparat tilshisi.

ShQO Energetıka jáne Turǵyn úı-kommýnaldyq sharýashylyǵy basqarmasynyń málimetine súıensek, «Óskemen jáne Semeı qalalary kósheleriniń jaryqtandyrý júıesin jańǵyrtý» jobasy boıynsha taıvandyq Everlight kompanııasymen 4,8 mlrd teńge somasynda kelisimshart jasalǵan.

«Sonyń aıasynda 20500 jaryqdıodty sham satyp alyndy. Onyń ishinde 12 841-i Óskemenge, 7 659-y Semeıge jetkizilgen. Qazirgi ýaqytta 19 575 sham (Óskemende – 12 293, Semeıde – 7 282) ornatyldy. Bul jalpy sannyń 96%-yn quraıdy», - delingen aqparatta.

Óskemende 2 qalanyń kóshelerin jaryqtandyrý júıesin basqaratyn biryńǵaı dıspetcherlik ortalyq iske qosyldy. Jalpy joba boıynsha barlyq jumystar 2022 jyldyń maýsym aıynda aıaqtalady dep josparlanǵan.