+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Oskar-2020 jeńimpazdarynyń tolyq tizimi jarııalandy

2020 jylǵy 10 aqpan 13:20
Bólisińiz:
Oskar-2020 jeńimpazdarynyń tolyq tizimi jarııalandy

NUR-SULTAN. QazAqparat – 92-shi Oskar syılyǵynyń jeńimpazdary arasynda ońtústikkoreıalyq fılm top jardy, dep habarlaıdy QazAqparat.

Uqsas jańalyqtar
Aqordada Abaı men ál-Farabı mereıtoıyna daıyndyq jónindegi komıssııa otyrysy ótti Ýhannan evakýatsııalanǵan qazaqstandyqtardyń jaǵdaıy qanaǵattanarlyq - mınıstrlik Semeı turǵynynyń koronavırýs juqtyrǵandyǵy jaıly aqparat jalǵan – mınıstrlik

Rejısser Pon Chjýn He túsirgen «Parazıtter» trıller elementteri bar komedııalyq-dramalyq fılmi Oskardyń 6 nomınatsııasyna ilingen edi. Nátıjesinde shyǵarmashylyq top «Úzdik fılm», «Úzdik rejısserlik jumys», «Úzdik túpnusqa stsenarıı», «Shet tilindegi úzdik fılm» nomınatsııalardynda 4 músinsheni ıelendi.

Brıtandyq rejısser Sem Mendestiń «1917» kórkem fılmi 10 nomınatsııaǵa usynylyp, onyń úsheýinde ǵana jeńiske jetti. Birinshi dúnıejúzilik soǵysty beıneleıtin bul týyndy «Úzdik operatorlyq jumys», «Úzdik dybys montajy» jáne «Úzdik vızýaldy áser» syılyqtaryna laıyq dep tanyldy.

Kópshiliktiń talqylaýyna túsken «Djoker» psıhologııalyq trılleri eki músinsheni qanaǵat tutty. Bul fılm 11 nomınatsııaǵa iligip, básekelesteri arasynda kósh bastaǵan edi. Ádil qazy sheshimimen, basty róldegi Hoakın Fenıks «Úzdik akter» atanyp, vıolonchelıst Hýldır Gýdnadoýttır «Fılmge úzdik mýzyka» syılyǵymen marapattaldy.

Ańyzǵa aınalǵan rejısser Kventın Tarantınonyń «Bir kúni... Gollıvýdte» dramasy da 10 músinsheden úmitti edi. Biraq, 70-jyldardy kórsetken fılm «Úzdik sýretshi jumysy» atalymynda top jardy jáne onda kaskader rólin somdaǵan Bred Pıtt «Ekinshi plandaǵy úzdik akter» atandy. Bul – B. Pıttiń akterlik sheberligi úshin berilgen alǵashqy Oskar. Odan bólek, bul róli úshin akter Bafta, Altyn Globýs jáne akterler gıldııasyn da alǵan bolatyn.

Kólik shyǵaratyn qos alyptyń teketiresin kórsetken «Ford Ferrari-ge qarsy» bıografııalyq dramasy 4 nomınatsııada jeńimpaz atanaýy múmkin edi. Biraq, Oskar tóreshileri «Úzdik montaj», «Úzdik dybys montajy» júldelerin ǵana berdi.

Ekinshi dúnıejúzidik soǵystaǵy natsıstik Germanııany beınelegen «Djodjo qoıan» jalǵyz «Úzdik beıimdelgen stsenarıı» atalymynda top jardy.

AQSh-taǵy azamattyq soǵys kezeńin kórsetken «Kishkentaı áıelder» dramasy «Úzdik kostıým dızaıny» músinshesimen marpattaldy.

«Neke tarıhy» tragıkomedııasynda advokattyń rólin somdaǵan 53 jastaǵy Lora Dern «Ekinshi plandaǵy úzdik aktrısa» atandy.

«Zorlyq-zombylyq» taqyrybyn kótergen amerıkalyq «Skandal» dramasy «Úzdik grım men shash úlgisi» júldesimen marapattaldy.

HH ǵasyrdyń jaryq juldyzy bolǵan, amerıkalyq aktrısa Djýdı Garlendtiń rólin somdaǵan Rene Zellveger «Úzdik aktrısa» músinshesin jeńip aldy. Buǵan deıin R. Zellveger 2003 jyly «ekinshi plandaǵy úzdik aktrısa» júldesimen marapattalǵan edi.

Óz kezeginde «Úzdik anımatsııalyq fılm» atalymynda «Oıynshyqtar tarıhy-4» mýltfılmi top jardy. Sherıf Výdıdiń qyzyqty oqıǵalary 1995 jyldan beri túsirilip keledi.

«Fılmge jazylǵan úzdik án» nomınatsııasynda «Roketmen» fılmindegi «Love Me Again» áni úzdik dep tanyldy. «Roketmen» - tanymal ánshi Elton Djonnyń ómiri men shyǵarmashylyǵyna arnalǵan bıografııalyq týyndy.

Odan bólek, 10 nomınatsııaǵa ilingen «Irlandets», 3 nomınatsııadaǵy «Qos ákeı», «Juldyzdy soǵys», «Garrıet», «Ataq pen aýrý», «Bal eli» fılmderi birde-bir júlde almady.


Bizdiń kanalymyzǵa jazylyńyz:

Basty sózder: Mádenıet, Álem,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT