+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Osaka qalasy «EKSPO-2017» kórmesiniń tabysty tájirıbesin paıdalanýǵa daıyn

2018 jylǵy 25 qańtar 18:34
Bólisińiz:
Osaka qalasy «EKSPO-2017» kórmesiniń tabysty tájirıbesin paıdalanýǵa daıyn

ASTANA. QazAqparat - Qazaqstannyń Frantsııadaǵy elshisi Jan Ǵalıev Japonııa Syrtqy ister mınıstriniń parlamenttik orynbasary Mıtsýnarı Okamoto bastaǵan delegatsııamen kezdesý ótkizdi. Bul týraly QR Syrtqy ister mınıstrliginiń baspasóz qyzmeti habarlady.

Kezdesý barysynda elshi japon delegatsııasyn údemeli tehnologııalyq jańǵyrtý aıasyndaǵy Qazaqstannyń ekonomıkalyq jáne ınvestıtsııalyq múmkindikterimen jáne «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Prezıdent Nursultan Nazarbaevtyń halyqqa Joldaýynyń basym baǵyttarymen tanystyrdy.

Elshi Qazaqstan men Japonııa arasyndaǵy ekijaqty qarym-qatynastardyń damýyna eleýli serpin bergen Japonııanyń Halyqaralyq mamandandyrylǵan «EKSPO-2017» kórmesine belsendi qatysqany úshin jáne Astanada jasyl tehnologııalardy tanystyrǵany úshin alǵysyn bildirdi.

Óz kezeginde, japon delegatsııasynyń basshysy «EKSPO-2017» jobasynyń tabysty ótkizilgenin atap ótti jáne Astana ótinimin ilgeriletý, halyqaralyq qatysýshylardy tartý, kórmeniń ózin uıymdastyrý jáne EKSPO nysandaryn kórmeden keıin qoldaný boıynsha Astana tájirıbesin paıdalanýǵa qyzyǵýshylyq bildirdi.

Japon tarapy «Bizdiń ómirimiz úshin bolashaq qoǵamdy jobalaý» atty taqyrybymen «Osaka EKSPO-2025» kórmesiniń tanystyrylymyn jasady jáne Birikken Ulttar Uıymynyń turaqty damý boıynsha barlyq derlik maqsattaryn qamtıtyn kórmeniń negizgi parametrleri men tańdaǵan taqyryptyń artyqshylyqtary týraly áńgimeledi.

Uıymdastyrýshylardyń aıtýynsha, Japonııada halyqtyń barlyq qajettilikterin qanaǵattandyratyn, eń aýyr jumysty tehnıkasy men robottar atqaratyn adam damýynyń kelesi besinshi - «5.0 ozyq tehnologııalyq, aqyldy qoǵamdy qurý» deńgeıine kóshýdi usynýda.

Okamoto myrza qazaqstandyq tarapqa Japonııadaǵy halyqaralyq kórmeni ótkizý ıdeıasyna qoldaý kórsetýge ótinish bildirdi.

«EKSPO-2025 kórmesin ótkizý quqyǵyna úmitker Osakadan basqa Ekaterınbýrg jáne Baký qalalary bar. EKSPO-2025 ótkizý quqyǵyna saılaý 2018 jyldyń qarashasynda Halyqaralyq kórmeler bıýrosynyń Bas Assambleıasynyń 164-shi sessııasynda ótedi»,-delingen QR Syrtqy ister mınıstrliginiń habarlamasynda.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT