+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Ortalyq Azııadaǵy eń iri mal bordaqylaý alańy Túrkistan oblysynda salynady

2019 jylǵy 28 aqpan 16:11
Bólisińiz:
Ortalyq Azııadaǵy eń iri mal bordaqylaý alańy Túrkistan oblysynda salynady

TÚRKІSTAN. QazAqparat - Ortalyq Azııadaǵy eń iri mal bordaqylaý alańy Túrkistan oblysynda ashylady. Syıymdylyǵy 100 myń qoıǵa laıyqtalǵan nysan Báıdibek aýdanynda salynbaq, dep habarlaıdy QazAqparat tilshisi.

«Túrkistan» ÁKK» AQ fılıaly - «Turkistan Invest» kompanııasy baspasóz qyzmetiniń málimetinshe, alańnyń qurylys jumystary aǵymdaǵy jyldyń maýsymynda bastalady. Bul jobany ınvestor retinde «Salurbey Group» týrik kompanııasy qolǵa alyp otyr. Jobalyq quny - 20 mln dollardy quraıtyn bordaqylaý beketi 2500 ga aýmaqqa salynady dep josparlanǵan. Alańda negizinen «Edilbaı», «Romanovskaıa» jáne «Merınos» qoı tuqymdary bordaqylanady.

Kompanııa ókilderiniń aıtýynsha, alań aýmaǵynda maldyń júnin qaıta óńdeıtin jáne et pen sút, aıran, ıogýrt, irimshik shyǵaratyn tseh iske qosylady. Sonymen qatar, 1500 gektar jerge jem-shóp ósirý qaralǵan.

«Salurbey Group» kompanııasynyń basshysy Aıdyn Salıýrbeıdiń sózinshe, munda zerthana ashý da kózdelip otyr. Al, veterınar mamandar usaq maldyń túrli qaýipti dertterge shaldyǵý qaýpin aldyn alý úshin tıisti tekserýler júrgizetin bolady. Nysan iske qosylǵan kezde 1200 adam turaqty jumysqa ornalasady. Daıyn et ónimi TMD elderine jáne Túrkııaǵa eksporttalmaq.

Aıta keteıik, «Salurbey Group» kompanııasy men Túrkııa aýyl sharýashylyǵy mınıstrliginiń arasynda eksport boıynsha kelisimshart túzilgen.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT