Jańalyqtar  >
  Din
Ortalyq Azııadaǵy biregeı meshit tatýlyq pen turaqtylyqqa óz úlesin qosady dep senemin - Nazarbaev
2022 jylǵy 12 tamyz 12:28

Ortalyq Azııadaǵy biregeı meshit tatýlyq pen turaqtylyqqa óz úlesin qosady dep senemin - Nazarbaev

NUR-SULTAN. QazAqparat – Elordada búgin jamaǵatqa esigin aıqara ashqan Ortalyq Azııadaǵy eń úlken meshit Nur-Sultan qalasynyń bas meshiti dep atalady. Bul týraly Bas meshittiń ashylý rásiminde Nursultan Nazarbaev aıtty, dep habarlaıdy QazAqparat tilshisi.

«Búgin qasıetti juma kúni elordamyzda eńseli meshit ashylyp otyr. Bul elordamyz Nur-Sultan qalasynyń bas meshiti dep atalady. Táýelsizdik dáýirinde bizdi qoldaǵan, elimizdi el qylýǵa jar bolǵan Alla Taǵalaǵa degen qurmetimizben men osy meshitti salýǵa nıet jasadym. Bul bas qalamyz ǵana emes, búkil elimiz, barlyq musylman qaýymy úshin mańyzdy oqıǵa», - dep atap ótti Elbasy meshittiń ashylý rásiminde.

Nursultan Nazarbaev Táýelsizdik jyldary ishinde astanada talaı ǵımarat boı kótergenin, olardyń barlyǵy da úzdik ǵımarattar ekenin basa aıtty

«Onyń ishindegi bul meshittiń orny jeke dara dep sanaımyn. Táýelsizdik tańy atqannan beri elimizdiń ár túpkirinde kóp meshit ashylyp, jamaǵatty rıza qylǵany bárimizge belgili. Olarda oqylǵan namazdar men duǵalardy Alla qabyl etsin. Men Memleket basshysy retinde ókilettigimdi toqtatýdan bir kún buryn, 2019 jylǵy naýryzda osy meshittiń alǵashqy kirpishin qaladym. Sol sátte meniń qasymda qazirgi Prezıdentimiz Qasym-Jomart Toqaev boldy. Allaǵa júginip, rızashylyǵymyzdy bildirip, bolashaqta halqymyzdyń táýelsizdigi men elimizdiń erkindigi uzaǵynan bolsyn dep tiledik. Asyl dinimizge osynsha qoldaý kórsetýdi áý bastan musylmandyq mindetim, halqymnyń aldyndaǵy perzenttik paryzym dep bildim», - dedi ol.

QR Tuńǵysh Prezıdenti kúlli álemdegideı bizdiń elimizde de meshitterdiń rýhanı jáne áleýmettik mańyzy zor ekendigin atap ótti. Meshit ıslamnyń negizgi qundylyqtaryn nasıhattap, ıgi nıetti qaýymnyń basyn biriktiretindigine toqtaldy.

«Qazirgi zamanda bul mısssııa erekshe mańyzdy ári ózekti dep oılaımyn. Búkil Ortalyq Azııa boıynsha úlken, biregeı meshit tatýlyq pen turaqtylyqqa óz úlesin qosady dep senemin», - dedi Nursultan Nazarbaev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT