+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ortalyq Azııadaǵy alǵashqy «Gamma-pyshaq» QR Ulttyq neırohırýrgııa ortalyǵynda ornatyldy

2021 jylǵy 19 maýsym 10:30
Bólisińiz:
Ortalyq Azııadaǵy alǵashqy «Gamma-pyshaq» QR Ulttyq neırohırýrgııa ortalyǵynda ornatyldy

NUR-SULTAN. QazAqparat - QR Premer-Mınıstri Asqar Mamın Ulttyq neırohırýrgııa ortalyǵynda bolyp, onda jańa radıologııa jáne radıohırýrgııa bóliminiń jumysymen tanysty, dep habarlaıdy QazAqparat Úkimettiń resmı saıtyna silteme jasap.

Úkimet basshysyna Shvetsııada shyǵarylǵan zamanaýı «Gamma-pyshaq» kesheni tanystyryldy. Qazaqstan TMD aýmaǵyndaǵy úshinshi elge jáne osyndaı joǵary tehnologııalyq jabdyǵy bar Ortalyq Azııadaǵy birinshi elge aınaldy.

Jalpy, álemde 400-ge jýyq «Gamma-pyshaq» qondyrǵysy bar, olardyń jartysy AQSh pen Japonııada ornalasqan. «Gamma-pyshaq» — bul bas mıy isikterin, tamyrly jáne fýnktsıonaldy aýrýlaryn emdeýge arnalǵan radıohırýrgııalyq qondyrǵy. Munda 192 kobalt-60 kózderinen radıoaktıvti sáýlelený qoldanylady, onyń sáýleleri patologııalyq oshaq aımaǵynda jınalyp, biriktiriledi. Olar isik jasýshalarynyń DNQ-syn buzady. Bul rette mıdyń saý tinderi men naýqastyń búkil denesi sáýlelenbeıdi. Operatsııanyń ózi aýyrsyndyrmaı, bas súıegin trepanatsııalaýsyz jasalady. Operatsııa bir rettik, ıaǵnı sáýlelik terapııa sekildi birneshe satyda júrgizýdiń qajeti joq. Sondyqtan búgingi tańda «Gamma- pyshaq» — radıohırýrgııalyq emdeýdiń «altyn standarty».

Qazaqstandyqtar mundaı emdi kvota boıynsha tegin ala alady. Buǵan deıin patsıentterdi qymbat emdeýge shet elderge jiberýge týra keldi. Ulttyq neırohırýrgııa ortalyǵynda Ortalyq Azııa aımaǵyndaǵy jalǵyz «Gamma-pyshaqtyń» bolýy QR-da medıtsınalyq týrızmdi damytýǵa da yqpal etedi.

«Densaýlyq saqtaý júıesiniń qoljetimdiligi men tıimdiligin arttyrý – elimizdiń damýynyń basty basymdyqtarynyń biri. Ázirlenip jatqan «Deni saý ult» ulttyq jobasy aıasynda densaýlyq saqtaý ınfraqurylymyn odan ári jańǵyrtý jáne medıtsına qyzmetkerlerin áleýmettik qoldaý sharalaryn jetildirý boıynsha sharalar kesheni qabyldanady», — dep A. Mamın, qazaqstandyq dárigerlerdi kele jatqan kásibı merekemen quttyqtady.

Sonymen qatar Ulttyq neırohırýrgııa ortalyǵyna Premer-Mınıstrdiń orynbasary Eraly Toǵjanov, densaýlyq saqtaý mınıstri Alekseı Tsoı jáne Nur-Sultan qalasynyń ákimi Altaı Kólginov bardy.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT